7 جەلتوقساندا وتەتىن TravelMediaTalks باعدارلاماسى ب ا ق، مەملەكەتتىك ورگاندار وكىلدەرى مەن ماركەتولوگتار ءۇشىن ارنايى ەكى شەبەر-ساعاتتارىن قامتيدى.

شەبەر-ساعاتتارىن تريەۆەل-جۋرناليستيكا جانە ءتۋريزمدى كوتەرمەلەۋ بويىنشا جاتتىقتىرۋشى، «ۆوياج» جۋرنالىنىڭ باس رەداكتورى، 25 ەكسكۋرسيالىق جوبالارىنىڭ اۆتورى جانە che-che.ru سايتىنىڭ بلوگەرى، رەسەيدەن ارنايى شاقىرتىلعان ولگا چەرەدنيچەنكو جۇرگىزەدى.

العاشقى ترەنينگتىڭ اتاۋى «ساياحات تۋرالى نە جانە قالاي جازۋ كەرەك. ساياحات-جۋرناليستيكاسىنداعى سوڭعى ۇدەرىستەر». اتالمىش ترەنينگ ب ا ق وكىلدەرىنە، بلوگەرلەرگە، قوعامدىق پىكىر كوشباسشىلارىنا اسىرەسە پايدالى بولماق. سەمينارعا قاتىسۋشىلار تريەۆەل-جۋرناليستيكا الەمىندەگى سوڭعى ۇدەرىستەر قانداي، ساياحات تۋرالى ماتىندەردى قۇرۋ جانە تاراتۋ ءۇشىن نە ءبىلۋ قاجەت، سونىمەن قاتار ساياحاتتان العان اسەردى ءوزىن-وزى دامىتۋعا قالاي باعىتتاۋ كەرەك ەكەندىگىن بىلە الادى. ولگا چەرەدنيچەنكو ەل مەن الەم تۋرالى پوستتاردى قالايشا سوڭىنا دەيىن وقۋعا قۇمارلاناتىنداي ەتىپ جازۋ كەرەك جانە الەۋمەتتىك جەلىدەگى دوستارعا ونى تاراتۋ تاقىرىبىنا ەرەكشە كوڭىل بولەتىن بولادى.

«مەن قازاقستانداعى شىعارماشىلىق توپ وكىلدەرىن وتاندىق ساياحات-جۋرناليستيكاسىن دامىتۋدا وزىندىك ۇلەس قوسۋلارى ءۇشىن شابىتتاندىرۋ ماقساتىندا جەكە ءوزىمنىڭ كوزقاراسىممەن بولىسكىم كەلەدى.

ءماتىن جازۋ ۇلگىلەرى، سەناريستتەردىڭ ادىستەرىن قولدانا وتىرىپ وقيعالاردى ايتۋ، جەكە برەند جەلىسىن قۇرۋ، SEO جانە SMM ارقىلى بلوگ جۇرگىزۋ، ءوز ەڭبەگىندى جەتىلدىرىپ، تاپسىرىستاردى، بايلانىستار مەن پرەسس-تۋرلاردى ىزدەپ تابۋ سەكىلدى تاجىريبەلىك داعدىلار تريەۆەل-جۋرناليستتەر ءۇشىن اسا ماڭىزدى. ءبىراق، بۇل ماماندىقتا مەنىڭ ويىمشا، بۇدان دا ماڭىزدىراق نارسە بار.

ساياحاتتاۋ – ەڭ مىقتى پسيحوتەراپيا قۇرالى ەكەندىگىنە سەنەمىن. ارنايى كىلتىڭىز بولسا عانا... ءسىزدىڭ جولىڭىزدا كەزدەسەتىندەردىڭ بارلىعى ءسىزدىڭ ىشكى جۇمىسىڭىز ءۇشىن ءدال قازىرگى ۋاقىتتا ەڭ كەرەك ءبىلىم. سوندىقتان دا سوڭعى 11 جىلدان بەرى مەن جوعارىدا اتاپ كورسەتكەندەرىمنەن بولەك، ساياحاتتاۋدان العان اسەردى ءوزىن-وزى دامىتۋ ەنەرگياسىنا اينالدىرۋ قۇرالدارىن زەرتتەپ، ەڭ قاجەتىن تاڭداپ كەلەمىن.»، - دەيدى ولگا چەرەدنيچەنكو.

ولگانىڭ ەكىنشى سەمينارى ەڭ الدىمەن ساياحاتتاۋ ماركەتينگىمەن بايلانىستى بولىپ، «ءتۋريزمدى قالاي دامىتۋ كەرەك» جونىندە. بۇل سەمينار ب ا ق جانە بلوگەرلەرمەن ءتيىمدى جۇمىس جاساۋ بويىنشا ترەنينگ فورماتىندا وتكىزىلەدى.

ولگانىڭ «ءتۋريزمدى دامىتۋ» شەبەر ساعاتى تۋريزم سالاسىنداعى مەملەكەتتىك ورگان، كاسىپكەرلەر، تۋروپەراتورلار، بىرلەستىكتەر مەن اگەنتتىكتەردىڭ وكىلدەرىنە اسىرەسە پايدالى.

ترەنينگ قاتىسۋشىلارى بۇگىن دە ءتۋريزمدى ناسيحاتتاۋدا قانداي ادىستەر ەڭ ءوتىمدى، ءتۋريزمدى دامىتۋ جولدارىنىڭ ىشىندەگى ەڭ تيىمدىلەرى جانە ولاردى قالاي جۇزەگە اسىرۋ كەرەكتىگى جونىندە بىلە الادى. ولگا جەرگىلىكتى دەڭگەيدەگى جارناماعا ەرەكشە كوڭىل بولە وتىرىپ، جىلتىر جۋرنالدار، ب ا ق جانە جەكە بلوگتارىندا جۇرگىزگەن ءساتتى تاجىريبەسىندەگى ساياحات تۋرالى كەيستەرمەن دە بولىسپەكشى.

سونداي-اق، ولگا ءارتۇرلى اۋماقتار مەن مەملەكەتتەردەگى، سونىڭ ىشىندە قازاقستانداعى دا تۋريستتىك برەندتى قالىپتاستىرۋ سالاسىنداعى نەگىزگى قۇرالدار مەن مىندەتتەردى ەكسپەرتتىك باعالاۋىمەن بولىسەدى.

«مەن بۇرىن-سوڭدى قازاقستاندا بولىپ كورمەدىم. TravelMediaTalks مەديا-فورۋمى سىزدەرگە العاش بارىپ كورۋدە سەبەپكەر بولىپ وتىر. ءبىراق، مەن كوپتەن بەرى قازاقستاندى كورۋدى ارمانداپ كەلەمىن. بىرىنشىدەن، مەنىڭ جولداسىمنىڭ ۇلتىنىڭ تورتتەن ءبىر بولىگى – قازاق. ەكىنشىدەن، ريەۆوليۋسيا جانە ازاماتتىق سوعىس كەزەڭىندە مەنىڭ ۇلكەن اتام قارقارالى ماڭىندا تاۋ-كەن زاۋىتىنىڭ باس ينجەنەرى بولعان. مەن ونىڭ جەرگىلىكتى تۇرعىنداردى سيپاتتاپ جازعان حاتتارىن ساقتاپ قويدىم.

قازاقستان تۋرالى ەستىگەندە ەڭ الدىمەن ويىما كەلەتىنى - استانانىڭ «تاس دجۋنگليلارى»، وڭىرلەردەگى وزگە تابيعات، «ديكوە پولە» رەسەيلىك ءفيلمى، باقسىلار جانە ەڭ اۋقىمدى ىسكەرلىك شارالارى. مەنىڭشە، استانانىڭ زاماناۋي ءستيلى مەن تابيعات تازالىعىنىڭ ەنەرگياسى – قازاقستاننىڭ وزىندىك ەل برەندى سەكىلدى. بيزنەس جانە ەكو-تۋريزم دە. سولاي ما، مەن دۇرىس ايتتىم با؟» - دەپ ولگا پىكىرىن بىلدىرە وتىرىپ، جوسپارلانىپ وتىرعان فورۋمنىڭ نەگىزگى مىندەتتەرىنىڭ ءبىرى – قازاقستاندا وتاندىق تۋريستتىك برەندىن قۇرۋ بويىنشا بار ۇلگىلەردى تانىستىرۋعا ايرىقشا ءمان بەرۋدە. اتالمىش ءبولىم TravelMediaTalks-تەگى باستى شارالارىنىڭ ءبىرى بولماق.

ايتا كەتەيىك، ولگا چەرەدنيچەنكو ممۋ-دە جۋرناليستيكا فاكۋلتەتىن ءتامامدادى، پاريجدە تاجىريبەدەن ءوتتى، «موسفيلمدە» سەناريست، «ەكسمو» باسپاسىندا تۋريستتىك ادەبيەتتىڭ رەداكتورى، تنت پيارىندا رەداكتور، MTV پيارىندا باس رەداكتور بولىپ قىزمەت ەتتى، Cosmoدا بولىگىن جۇرگىزدى.

ربك، Elle، موسكۆا-24 كانالى، تاسس اقپارات اگەنتتىگى، «ۆەستي»، «ماياك» راديوتولقىندارى، «كومسومولسكايا پراۆدا» جانە كوپتەگەن ب ا ق ولگانىڭ جولسىلتەمەلەرىن وقۋعا ۇسىنادى. ونىڭ «پاريج بويىنشا قىزعىلت ءتۇستى جولسىلتەمە» اتتى تۋىندىسىن 100 مىڭنان اسا ادام ساتىپ الدى.

بۇگىن دە ولگا ءممۋ-نىڭ جۋرناليستيكا فاكۋلتەتىندە، جوعارعى ەكونوميكا مەكتەبىندە، VisitRussia، «وتدىح»، «كراسنايا پلوششاد»، ممكۆيا، «بيبليونوچ» فەستيۆالدەرى مەن كورمەلەرىندە ءدارىس وقيدى. رەسەي جانە كورشى ەلدەردەگى تۋريزم مينيسترلىكتەرىنىڭ شاقىرتۋلارى بويىنشا كوشپەلى سەمينارلار وتكىزەدى. 

2018 جىلى «ۆوياج» ساياحات تۋرالى رەسەيلىك كونە جۋرنالدىڭ رەبرەندينگىن وتكىزدى.

TravelMediaTalks فورۋمى 7 جەلتوقان كۇنى استانا قالاسى، Marriott قوناق ۇيىندە ساع.09:00-دە باستاۋ الادى. شارانىڭ باستى تاقىرىبى – «جاھاندىق سيفرلاندىرۋ كەزەڭىندەگى تۋريزم: جاڭا تولقىنعا باعىت».

جوبانىڭ نەگىزگى تۇجىرىمداماسى ديسكۋسسيالىق الاڭ مەن TED Talks شەڭبەرىندە جۇزەگە اسقان كوپشىلىك الدىندا سويلەۋ فورماتى تاجىريبەسىنىڭ ەلەمەنتتەرىمەن بىرلەسكەن، قىسقاشا پرەزەنتاسيالىق كورسەتىلىمدەرى، دارىستەرى مەن شەبەر-ساعاتتارى بار جەكە سپيكەرلەرگە جۇكتەلگەن نەگىزگى ءرولدى قامتيدى.

شارا اياسىندا ەلىمىزدىڭ تۋريستتىك برەندى تۇجىرىمداماسىنىڭ كورسەتىلىمى مەن ونىڭ مەديا-يندۋستريا جانە ماركەتينگ سالاسىنداعى مۇمكىندىكتەرى جونىندە پرەزەنتاسياسى وتەدى.

سونداي-اق، باعدارلاما بولاشاقتاعى ءتۋريزمنىڭ دامۋ جوسپارى مەن عالامدىق ۇدەرىستەرى جونىندە ايتىلاتىن پىكىرتالاس الاڭىن، ترەنينگتەر مەن سەمينارلاردى قامتيدى.

كۇنى بويىنا 6 مەملەكەتتەن، ونىڭ قاتارىندا ۆەليكوبريتانيا، رەسەي، ۋكراينا، بەلورۋسسيا جانە قىرعىزستاننان كەلگەن تۋريزم جانە مەديا سالاسىنداعى ساراپشىلار وزدەرىنىڭ جەكە كوزقاراستارىمەن بولىسەتىن بولادى.

زاماناۋي تۋريستتەر بەينەسى قانداي جانە ول digital-وزگەرىستەر اسەرىنەن قالاي وزگەرەدى؟ قازاقستان ءوزىنىڭ مەملەكەتتىك تۋريستتىك برەندىن قالىپتاستىرا الدى ما؟ سالانى دامىتۋداعى نەگىزگى كەدەرگى قانداي؟ نەلىكتەن ستوريتەللينگ، كونتەنت-ماركەتينگ جانە يۆەنت-مەنەدجمەنت تۋريستتىك ماركەتينگتىڭ ەڭ ءتيىمدى قۇرالدارى بولىپ كەلەدى؟ اۋديتوريامەن بايلانىس ورناتۋدا تۋريستتىك يندۋستريا

قانداي ماسەلەلەرگە توتەپ بەرۋى قاجەت؟ وسى جانە وزگە دە سۇراقتارعا TravelMediaTalks سپيكەرلەرى جاۋاپ بەرەدى.

فورۋم ۇيىمداستىرۋشىسى قازاقستان رەسپۋبليكاسى مادەنيەت جانە سپورت مينيسترلىگى تۋريزم يندۋسترياسى كوميتەتىنىڭ قولداۋىمەن «KazakhTourism» ۇلتتىق كومپانياسى» اق بولىپ كەلەدى.

فورۋمعا كىرۋ تەگىن. تىركەلۋ تومەندەگى سىلتەمە ارقىلى: https://docs.google.com/forms/d/e/1FAIpQLSe0yOQP4KnZd0iA9GFc7iZM9gajMHCLphJHB_9E1KcpgtZISQ/viewform