كەز كەلگەن ەلدى وسىرەتىن دە، وشىرەتىن دە ءبىلىم. مەملەكەتتىڭ مىقتىلىعى ونىڭ ءبىلىمدى ازاماتتارىنا تىكەلەي بايلانىستى. ويتكەنى، ۇلكەن وزگەرىستەر مەن يگى ءىستى جاسايتىن - ادامدار. بۇنى زامانىندا ابىلاي حان بابامىز دا: «بىلەككە سەنگەن زاماندا ەشكىمگە ەسە بەرمەدىك، بىلىمگە سەنگەن زاماندا قاپى قالىپ جۇرمەلىك» دەپ ايتىپ كەتكەن بولاتىن. قازاقستان تاۋەلسىزدىكتىڭ العاشقى جىلدارىنان بەرى وسى سالانى كوتەرۋگە كۇش سالىپ كەلەدى. وسى تۇرعىدا كوپتەگەن باعدارلامالار جاسالىپ، جەڭىلدىكتەر ءبولىندى. جىل ساناپ تۇلەكتىرىمىزگە بولىنەتىن گرانتتاردىڭ سانى دا ارتىپ جاتىر. ءبىلىم سالاسىن وڭتايلاندىرۋ «سيفرلىق قازاقستان» مەملەكەتتىك باعدارلاماسىندا كوزدەلگەن. وسىعان وراي، ەلىمىزدىڭ بارلىق ايماعىندا ءبىلىم سالاسىنا قاتىستى سيفرلىق فورماتقا كوشۋ مەن وڭتايلاندىرۋ جۇمىستارى قارقىندى جۇرۋدە.
وسى شارالار ماڭعىستاۋ وبلىسىندا جوعارى دەڭگەيدە جۇزەگە اسىرىلۋدا. بۇعان سايكەس، smart مەكتەپتەر اشىلىپ، سيفرلىق تەحنولوگيالار قولدانىلۋدا. اتاپ وتەر بولساق، وڭىردەگى بارلىق ءبىلىم وشاقتارى ارنايى اقپاراتتىق جۇيەگە قوسىلعان. پورتال «mektep.edu.kz» دەپ اتالادى. مۇنىڭ ارقاسىندا وقۋشىلار مەن ءمۇعالىم قاۋىمىنىڭ ءوزارا قاتىناسى جەڭىلدەۋدە. اتا-انالار دا بالالارىنىڭ ۇلگەرىمىن ينتەرنەتتەن-اق كورە الاتىن دەڭگەيگە جەتتى. وسىنداي اقپاراتتىق جۇيەلەر ەكونوميكالىق تۇرعىدان ءتيىمدى مە دەگەن ساۋالعا كەلەر بولساق، مەكتەپكە دەيىنگى مەكەمەلەردە كەزەككە تۇرۋدى اۆتوماتتاندىرۋ پروسەسى كوپتەگەن وڭ وزگەرىستەرگە باستايدى. بىرىنشىدەن، كەڭسە تاۋارلارىنا كەتەتىن قارجىلىق شىعىندار قىسقارادى (1 ملن. 500 مىڭ تەڭگەگە دەيىن). ەكىنشىدەن، بالاباقشاعا تۇرۋ پروسەسى جەڭىلدەتىلەدى. ال اقپاراتتىق جۇيەلەر بولسا قاعازداردى ۇنەمدەۋگە، اتا-انالاردىڭ ۋاقىتتارىن ءتيىمدى جۇمساۋعا ىقپال ەتەدى. اتاپ ايتار بولساق، «mektep.edu.kz» اقپاراتتىق پورتالىن ەنگىزۋ بيۋدجەت شىعىنىن 8،5 ملن-عا قىسقارتسا، كەستەگە (تابەل) كەتەتىن شىعىندى 4،1 ملن-عا ۇنەمدەيدى ەكەن.
ماڭعىستاۋ وبلىسى ءبىلىم سالاسىندا ورىن الىپ جاتقان تاعى جاڭاشىلدىقتاردىڭ ءبىرى – «ە-كوللەدج» جوباسى. بۇل ءبىلىم الۋشىلار مەن ءبىلىم بەرۋشىلەردىڭ ءومىرىن جەڭىلدەتۋگە باعىتتالعان. بۇگىندە ايماقتاعى 26 كوللەدجگە جوبا ەنگىزىلدى. ايتۋلى باعدارلاما ەكونوميكالىق تۇرعىدان دا وتە ءتيىمدى – بيۋدجەت شىعىندارى 3 ملن-عا قىسقارادى.
كوپ جىلدار بويى جۇرگىزىلگەن زەرتتەۋلەر مەن الەمدىك تاجىريبە سيفرلاندىرۋدىڭ وسى سالاعا كوپ پايداسىن تيگىزەتىنىن راستادى. وسى رەتتە، IT-ماماندارىنىڭ الار ورنى وراسان. يننوۆاسيانى يگەرگەن مۇنداي بىلىكتىلەر ءبىلىم بەرۋ سالاسىنداعى كوپ كەدەرگىنىڭ ءتۇيىنىن شەشۋگە اتسالىساتىن بولادى. بۇل تۇرعىدا ەلىمىزدىڭ جەتەكشى پارتياسى – «نۇر وتان» پارتياسىنىڭ «بالالارعا ارنالعان تەگىن IT-cىنىپتار» اتتى جوباسى بار. اتالمىش جوبا كيەلى مەكەن ماڭعىستاۋدا دا ورىندالىپ جاتىر. قازىرگى كورسەتكىشتەرگە سۇيەنسەك، 34 IT-cىنىبى اشىلىپتى. ايتا كەتەر بولساق، بيىلعى جىلعا 35 IT-cىنىبىن اشۋ جوسپارلانعان بولاتىن. قالادا – 17ء-سىن، اۋىلدىق ەلدى مەكەندە – 18ء-ىن اشۋ كوزدەلگەن. سونداي-اق، وڭىردەگى 134 مەكتەپتىڭ 112ء-سى Wi-Fi-مەن قامتاماسىز ەتىلگەن.
