تەمىرتاۋ قالاسىندا جۇزۋدەن ق ر كۋبوگى ءوتتى. وعان قازاقستاننىڭ 15 وڭىرىنەن 286 سپورتشى قاتىستى. جارىستا بارلىعى 12 كۋبوك وينالدى، ونىڭ ىشىندە 8 كۋبوكتى اقتوبەلىك سپورتشىلار جەڭىپ الىپ، قارسىلاستارىنا تەك 4 كۋبوكتى عانا قالدىردى. بۇل جارىستىڭ ەرەكشەلىگى ءۇش قاشىقتىق بويىنشا جيناعان ۇپاي سانى ارقىلى جەڭىمپازدار مەن جۇلدەگەرلەر انىقتالادى. جۇزۋدەن اقتوبە وبلىسىنىڭ اعا جاتتىقتىرۋشىسى ازامات سارباسوۆتىڭ ايتۋىنشا، وبلىس سپورتشىلارىنىڭ بۇل ونەر كورسەتۋلەرى ءساتتى بولىپ سانالادى. كەلەسى جىلى بۇل سپورتشىلار 2020 جىلى توكيودا وتەتىن جازعى وليمپيادا ويىندارىنا قاتىسۋ ءۇشىن نورماتيۆتەر ورىندايتىن بولادى. اقتوبە قورجىنىنا 8 كۋبوك اكەلگەن جۇزۋشىلەر ءتىزىمى:

ديانا نازاروۆا - 50، 100، 200 مەتر شالقالاپ جۇزۋدەن (ايەلدەر)؛

گلەب كوۆالەنيا - 50، 100، 200 مەتر شالقالاپ جۇزۋدەن (ەرلەر)؛

ايبەك كامزەنوۆ - 50، 100، 200 مەتر براسس ادىسىمەن (ەرلەر)؛

ديانا تاسجانوۆا -50، 100، 200 مەتر باتتەرفلياي ادىسىمەن (ايەلدەر)؛

قايرات نۇرجانوۆ - 50، 100، 200 مەتر باتتەرفلياي ادىسىمەن (ەرلەر)؛

اليبەك كامزەنوۆ - 100، 200، 400 مەتر كەشەندى ءجۇزۋ (ەرلەر)؛

ديانا زلوبينا - 50، 100، 200 مەتر ەركىن ستيلمەن (سپرينتەر) جانە 200، 400، 800 مەتر (ستايەر).

سونداي-اق، گلەب كوۆالەنيا وسى جارىستا ق ر سپورت شەبەرى ءنورماتيۆىن ورىندادى.