مۇنداي تىڭ اقپاراتتى الماتى قالاسىنىڭ وڭىرلىك كوممۋنيكاسيالار قىزمەتىندە وتكەن بريفينگتە الماتى قالاسى كاسىپكەرلەر پالاتاسىنىڭ ديرەكتورى تەلەباي باعدات عازيز ۇلى  حابارلادى. 

ونىڭ ايتۋىنشا، الماتى - بۇل ساۋدا جانە قىزمەت كورسەتۋ قالاسى، ەكونوميكانىڭ وسى سەكتورى ءجوو-نىڭ 80% - دان استامىن قۇرايدى. سوڭعى جىلدارى ساۋدا سالاسىن كولەڭكەدەن شىعارۋ بويىنشا جۇيەلى جۇمىس جۇرگىزىلۋدە. وسىلايشا، 57 بازاردىڭ 16 – سى جاڭعىرتىلدى (2020 جىلعا دەيىن-29).  24 سوو اشىلدى (جىلدىڭ سوڭىنا دەيىن-2). 3 جىل ىشىندە ساۋدا سالاسىن دامىتۋعا 240 ملرد. تەڭگەدەن استام جەكە قاراجات سالىندى. 2018 جىلدىڭ شىلدە ايىندا كاسىپكەرلەر پالاتاسى پروبلەمالىق ماسەلەلەردى انىقتاۋ ءۇشىن قالا بازارلارىنا پاسپورتتاۋ جۇرگىزدى. نەگىزگى پروبلەما -بۇل بازارلاردى قازىرگى زامانعى فورماتقا وتكىزۋدە، بازارلاردى جاڭعىرتۋ ءۇشىن بازارداعى مەنشىك يەلەرىنىڭ قاراجاتى جەتكىلىكسىز. ءبىز «جىبەك جولى» وڭىرلىك باعدارلاماسى اياسىندا ماقساتتى قارجىلاندىرۋ مۇمكىندىگى تۋرالى ماسەلە كوتەردىك. بۇگىنگى بولشەك ساۋدا كولەمى 2018 جىلى 2125،1 ملرد. تەڭگەنى قۇرادى بۇل 2017 جىلعا قاراعاندا 112،9 پايىزعا وسكەن.  كوتەرمە ساۋدا كولەمى 2018 جىلى  7499،3 ملرد. تەڭگەنى قۇرادى ال بۇل 2017 جىلعا قاراعاندا 101،5 پايىزعا وسكەن.  بولشەك ساۋدانىڭ جالپى كولەمىندەگى الماتى قالاسىنىڭ ۇلەس سالماعى 29.7 % قۇرايدى – دەپ ءسوزىن اياقتادى ب.تەلەباي.