بۇگىن الماتى قالاسى وڭىرلىك كوممۋنيكاسيالار قىزمەتى الاڭىندا - "قازجولعزي" اق پرەزيدەنتى، تەحنيكا عىلىمدارىنىڭ دوكتورى، پروفەسسور، اكادەميك تەلتايەۆ باعدات بۇرحانباي ۇلىنىڭ قاتىسۋىمەن باسپا ءسوز كونفەرەنسياسى ءوتتى.
باعدات بۇرحانباي ۇلىنىڭ سوزىنە سۇيەنسەك، ينستيتۋت عىلىمي جانە عىلىمي-تەحنيكالىق جۇمىستارمەن اينالىسۋ ءۇشىن عىلىم جانە ءبىلىم مينيسترلىگى تاراپىنان اككرەديتاسيالانعان. سىناق زەرتحاناسى تەحنيكالىق قۇزىرەتتىلىككە مەمستاندارتپەن اككرەديتاسيالانعان. ينستيتۋت ساپا مەنەدجمەنتى سايكەستىگىنىڭ سەرتيفيكاتىنا يە. ينستيتۋت بازاسىندا ستاندارتتاۋ جونىندەگى تەحنيكالىق كوميتەتى تك-42 «اۆتوموبيل جولدارى» قۇرىلىپ، جۇمىس اتقارۋدا.
ينستيتۋتتىڭ سوڭعى جىلدارداعى نەگىزگى قىزمەت باعىتتارى:
- اۆتوجول سالاسىنىڭ نورماتيۆتىك-تەحنيكالىق بازاسىن جەتىلدىرۋ؛
- جولدار مەن كوپىر قۇرىلىستارىنىڭ تەحنيكالىق دەڭگەيىن كوتەرۋ، ۇزاق مەرزىمدى بولۋى مەن ۇنەمدىلىگىنە جانە قوزعالىستىڭ قاۋىپسىزدىگىن ارتتىرۋعا باعىتتالعان جاڭا تەحنيكالىق شەشىمدەردى ازىرلەۋ ماقساتىندا عىلىمي زەرتتەۋلەردى جۇرگىزۋ؛
- يننوۆاسيالىق تەحنولوگيالار مەن ماتەريالدارعا بايقاۋ جۇرگىزۋ، ەنگىزۋ جانە ولاردى كەڭ اۋقىمدا پايدالانۋ ءۇشىن نورماتيۆتىك-تەحنيكالىق قۇجاتتار ازىرلەۋ؛
- يننوۆاسيالىق شەشىمدەردى ەنگىزۋدە عىلىمي-تەحنيكالىق ىلەسپە جۇمىستار؛
- جولدار مەن كوپىر قۇرىلىستارىن دياگنوستيكالاۋ، جولدار مەن كوپىرلەردى باسقارۋ جۇيەسىن ازىرلەۋ؛
- قارجىلاندىرۋ نورماتيۆتەرىن، جولداردى جوندەۋ جانە كۇتىپ ۇستاۋ جۇمىستارىنىڭ نورمالارى مەن باعالارىن نەگىزدەۋ؛
- جولدار مەن كوپىر قۇرىلىستارىنىڭ قۇرىلىسى مەن قايتا قۇرىلىمىنا، كۇردەلى جوندەۋ جۇمىستارىنا جاڭا تەحنيكالىق شەشىمدەردى قولدانۋ ارقىلى جوبا-سمەتالىق قۇجاتتاما ازىرلەۋ؛
- ماتەريالدار مەن جۇمىستار ساپاسىنىڭ تاۋەلسىز ساراپتاماسىن جاساۋ؛
- جول سالاسى قىزمەتكەرلەرىنىڭ بىلىكتىلىگىن ارتتىرۋ؛
- اقپاراتتىق قامتاماسىز ەتۋ.
پىكىر قالدىرۋ