بۇگىن الماتى قالاسى وڭىرلىك كوممۋنيكاسيالار قىزمەتى الاڭىندا  «ورلەۋ» بىلىكتىلىكتى ارتتىرۋ ۇلتتىق ورتالىعى» اكسيونەرلىك قوعامىنىڭ فيليالى الماتى قالاسى بويىنشا پەداگوگيكالىق قىزمەتكەرلەردىڭ بىلىكتىلىگىن ارتتىرۋ ينستيتۋتىنىڭ ديرەكتورى سادۆاكاسوۆا رايسا اجداروۆنانىڭ  قاتىسۋىمەن باسپا ءسوز كونفەرەنسياسى ءوتتى.

2018 جىلى قىسقا مەرزىمدى كۋرستارعا تومەندەگى باعىتتار بويىنشا مەملەكەتتىك تاپسىرىس الىندى: بۋكۆار جانە الىپپەنى وقىتۋ ادىستەمەسى بويىنشا مەكتەپالدى سىنىپتارىنىڭ پەداگوگتەرى ءۇشىن كۋرستا – 125 ءمۇعالىمدى دايارلىقتان وتكىزۋ جوسپارى بەلگىلەندى. مۇعالىمدەردىڭ كاسىبي قۇزىرەتتىلىگىن دامىتۋ بويىنشا پاندىك كۋرستار: ماتەماتيكا، فيزيكا، حيميا، بيولوگيا، «ولكەتانۋ» پاندەرى بويىنشا 125 ادام قامتىلدى. جاڭارتۋ تەك ءبىلىم بەرۋ مازمۇنىنا عانا ەمەس، كۋرس ساباقتارىن وتكىزۋ فورماتىنا دا ەلەۋلى وزگەرىستەر اكەلدى. اتاپ ايتار بولساق: ءداستۇرلى لەكسيا، شەبەر-سىنىپ، پىكىرسايىستارمەن قاتار ترەنينگ، تاجىريبەگە-باعدارلانعان سەمينارلار، كوشپەلى تاجىريبەلىك ساباقتار. كۋرس كەزىندە جانە كۋرسارالىق، كۋرستان كەيىنگى كەزەڭدە كەرى بايلانىستىڭ ءارتۇرلى فورمالارى كەڭىنەن قولدانىلادى. ينستيتۋتتا ماريا مونتەسسوري ادىستەرىن زەردەلەۋ بويىنشا كافەدرالىق جۇمىستار، مەكتەپالدى دايارلىق توبىنداعى بالالاردىڭ مەتاكوگنيتيۆتىك داعدىلارىن دامىتۋدا ەرتەگىتەراپياسىنىڭ ەلەمەنتتەرىن پايدالانۋ تاجىريبەسى،«رۋحاني جاڭعىرۋ» باعدارلاماسىنىڭ يدەيالارىن ەنگىزۋ (ولكەتانۋ، روبوتوتەحنيكا، SMARت-وقىتۋ) كۋرستار، مەملەكەتتىك ءتىل مارتەبەسىن كوتەرۋ، لاتىن الىپبيىنە كوشۋ ماسەلەلەرىنىڭ ءتيىمدى شەشىمىن قاراستىرۋ، ينكليۋزيۆتى ءبىلىم بەرۋ مىندەتتەرىن جۇزەگە اسىرۋ، ءۇش ءتىلدى ءبىلىم بەرۋ جاعدايىندا CLIL ادىستەمەسى ارقىلى وقىتىلاتىن تىلدە پاندەردى جۇرگىزۋ. جالپى جاراتىلىستانۋ-ماتەماتيكالىق باعىتتاعى ءپان مۇعالىمدەرى ءۇشىن STEM وقىتۋ يەدەيالارىن ەنگىزۋ بويىنشا كوپتەگەن جۇمىستار اتقارىلدى. اتقارىلاتىنى بۇدان دا كوپ.

حالىقارالىق، رەسپۋبليكالىق عىلىمي كونفەرەنسيالار مەن عىلىمي ادىستەمەلىك سەمينارلاردا ساپاسى انىقتالعان، بايقاۋدان وتكەن ماتەريالدار نەگىزىندە جوعارىدا ايتىلعان باعىتتار بويىنشا بىلىكتىلىكتى ارتتىرۋ كۋرستارىنىڭ باعدارلاماسى ازىرلەنۋدە.

2018 جىلدىڭ العاشقى جارتىجىلدىعىندا كافەدرالاردىڭ پروفەسسورلىق-وقىتۋشىلار قۇرامىنىڭ عىلىمي 40 (قىرىق) يدەيالارى كونفەرەنسيادا بايقاۋدان ءوتتى، ونىڭ 7ء-ى حالىقارالىق دەڭگەيدە، 2ء-ى رەسپۋبليكالىق دەڭگەيدە بولدى. سونىمەن قاتار، باسىم باعىتتار بويىنشا ءبىلىم بەرۋ ۇيىمدارىمەن بىرلەسىپ، 9 عىلىمي جوبا جۇزەگە اسىرىلدى. ءقازىر ونىڭ 3ء-ى ناقتى ناتيجەگە يە:

     - كوپتىلدى ءبىلىم بەرۋ جوباسى بويىنشا اعىلشىن ءتىلىن مەڭگەرگەن (بۇل تۋرالى جوعارىدا ايتىلدى) پاندىك-كوۋچتار توبى دايىندالدى؛

- «روبو-اربا» جوباسى؛

- ەرتەگى تەراپياسى. 2018 جىلدىڭ 27 شىلدەسىندە ءبىلىم بەرۋدەگى يننوۆاسيالار بويىنشا تورونتو قالاسىندا وتكەن ءۇشىنشى حالىقارالىق كونفەرەنسيا جيناعىنا مەكتەپكە دەيىنگى جاستاعى بالالاردىڭ مەتاكوگنيتيۆتى داعدىلارىن دامىتۋدا ەرتەگىتەراپياسىنىڭ ەلەمەنتتەرىن پايدالانۋدى زەرتتەۋ تاجىريبەسىنىڭ ناتيجەلەرى جاريالاندى. زەرتتەۋ جۇمىسى جالعاسۋدا، ءوزىمىز كۇتكەن ناتيجەگە جەتەمىز دەگەن ۇمىتتەمىز. قازاق تىلىندە وقىتاتىن مەكتەپتەردە دۇنيەجۇزى تاريحى ءپانىن ورىس تىلىندە، ورىس تىلىندە وقىتاتىن مەكتەپتەردە قازاقستان تاريحى ءپانىن قازاق تىلىندە وتكىزۋ ءۇشىن CLIL ادىستەمەسى بويىنشا زەرتتەۋ جۇمىستارى جۇرگىزىلۋدە.وسى جەردە شەتەلدىك ارىپتەستەرىمىزدىڭ قولداۋىن اتاپ وتكىم كەلەدى. اسىرەسە، كوپتىلدى ءبىلىم بەرۋ بويىنشا جوبالاردى جۇزەگە اسىرۋدا اقش ەلشىلىگى، بريتاندىق كەڭەس، ەقىۇ جانە فرانسۋز اليانسىمەن تىعىز قارىم-قاتىناستا جۇمىس اتقارىپ كەلەمىز.

الماتى قالاسى بويىنشا پەداگوگيكالىق قىزمەتكەرلەردىڭ بىلىكتىلىگىن ارتتىرۋ ينستيتۋتى اقش ەلشىلىگىنىڭ باعدارلاماسىمەن RELO كونكۋرسىنا قاتىسىپ، گرانتتى جەڭىپ الدى جانە قازىرگى ۋاقىتتا ءتىل مامانى ۆاندا سيمپسون ينستيتۋت بازاسىندا وقىتۋ ادىستەمەسىن جەتىلدىرۋ بويىنشا اعىلشىن ءتىلى مۇعالىمدەرى ءۇشىن اپتاسىنا ەكى رەت جانە اعىلشىن تىلىندە ساباق جۇرگىزەتىن ءپان مۇعالىمدەرىنە بولەك ءدارىس بەرىپ ءجۇر.

ينستيتۋتتا مۇعالىمدەرگە كۋرستان كەيىن قولداۋ كورسەتۋ ماقساتىندا ءارتۇرلى ءىس-شارالار ۇيىمداستىرىلادى. ول – بىرلەسىپ كونفەرەنسيا، سەمينارلار وتكىزۋ، پەداگوگتى قىزىقتىراتىن تاقىرىپقا ادىستەمەلىك وقۋ قۇرالىن ازىرلەۋ جانە عىلىمي ماقالالار جازۋ، جوبا جۇمىستارىن تالقىلاۋ.