تۇڭعىش پرەزيدەنت كۇنىنە وراي المالى اۋدانىنىڭ جاستارى فورۋمدا باس قوستى. بۇگىنگى تاڭدا اۋدان حالقىنىڭ 30 پايىزىن جاستار قۇرايدى. سەبەبى، الماتى قالاسىنداعى 16 جوعارى وقۋ ورنى دا وسى اۋداندا.

مەرەكەگە وراي، اۋداندا جاستار كورپۋسى اشىلماق. الداعى ۋاقىتتا ستۋدەنتتەر مەن وقۋشىلارعا ەلباسى ۇسىنىپ وتىرعان مۇمكىندىكتەردى جان-جاقتى ءتۇسىندىرىپ، بولاشاقتىڭ ىرگەسىن بىرگە قالاۋدى ۇيرەتپەك.  

«جاستار كورپۋسىنىڭ ماقساتى – المالى جاستارىنىڭ باسىن قوسىپ، بىرىكتىرىپ، كرەاتيۆتى جاڭا جوبالاردى ىسكە اسىرۋ. ءبىزدىڭ تاريحىمىز المالى اۋدانىنان باستاۋ الىپ، ارى قاراي الماتى قالاسىنا، قازاقستان رەسپۋبليكاسىنا وسەدى»، – دەدى م. تىنىشبايەۆ اتىنداعى قازاق كولىك جانە كوممۋنيكاسيا اكادەمياسىنىڭ تاربيە جونىندەگى دەپارتامەنت ديرەكتورى ءازيز قاجدەنبەك.

ال مەدەۋ اۋدانىندا مەرەكە قارساڭىندا اۋداندا جاڭا بالاباقشا مەن ويىن الاڭى اشىلماق. شاراعا قوعام قايراتكەرلەرى مەن جەلتوقسانشىلار شاقىرتىلعان. كەلگەن قوناقتارعا پرەزيدەنت تۇلعاسىن سان ءتۇرلى قىرىنان كورسەتەتىن سۋرەتتەر ۇسىنىلادى.  

«دامىعان قوعامدا، مەملەكەتتەردە وسىنداي مەرەكە  بولىپ تۇر. ول مەرەكە سول مەملەكەتتى باسقارىپ وتىرعان، قولباسشىلارعا ارنالادى. ءبىزدىڭ قازاقستاندا وسى مەرەكەنى اتاپ وتۋىمىزگە 4-5 جىل بولدى. مەنىڭ ويىمشا، بۇل دۇرىس دەپ ويلايمىن. ويتكەنى، دامىعان ەل بولىپ كەلە جاتىرمىز. قازاقتىڭ جاقسى ماقالى بار. توي تويعا ۇلاسسىن.بۇلدا ءبىزدىڭ ەلىمىزدىڭ ءبىر تويى دەپ ەسەپتەيمىن»، – دەدى الماتى قالاسى مەدەۋ اۋدانى ارداگەرلەر كەڭەسىنىڭ ءتوراعاسى كيم سەرىكبايەۆ.