الماتىدا «مەن جاستارعا سەنەمىن!» رەسپۋبليكالىق فورۋمى ءوتتى. 6 جىل قاتارىنان وتكىزىلىپ كەلە جاتقان شارا تۇڭعىش پرەزيدەنت كۇنى اياسىندا ۇيىمداستىرىلعان.

فورۋمعا قاتىسۋشى ستۋدەنتتەر يننوۆاسيالىق جوبا، ەسسە، پوەزيالىق شىعارما، پاتريوتتىق اندەر بايقاۋى بويىنشا ب ا ق سىنادى.  جۇزدەن جۇيرىك شىققاندار ءال-فارابي اتىنداعى قازاق ۇلتتىق ۋنيۆەرسيتەتىنىڭ 1 جىلدىق وقۋ گرانتىنا يە بولدى. 70 جوعارى وقۋ ورنىنان بيىلعى جىلى 2 مىڭعا جۋىق ستۋدەنت ءوتىنىش جولداعان. بۇل كورسەتكىش وتكەن جىلمەن سالىستىرعاندا ەداۋىر كوپ دەيدى ۇيىمداستىرۋشىلار.  

«ۇلى دالانىڭ جەتى قىرى» اتتى ۇلكەن تاريحي كوركەم كەشەننىڭ اشىلۋىمەن باستالدى. جانە وندا وسى «ۇلى دالانىڭ جەتى قىرى» ەكسپوزيسياسى جاسالدى. بۇگىنگى جاستاردىڭ فورۋمى جاستارعا شىنىندا دا رۋح بەرەتىن، جاستاردىڭ كەمەل كەلەشەكتىڭ ۇلگىسى ەكەنىنىڭ، بولاشاقتىڭ ەڭ مىقتى تىرەگى ەكەنىنىڭ كورىنىسى دەپ بىلەمىن»، – دەدى ۇيىمداستىرۋشى، فيلولوگيا عىلىمدارىنىڭ دوكتورى ءومىرحان ءابديمان ۇلى.