الماتىدا سوڭعى جىلدارى ەلەكتروندى ساۋدا-ساتتىق 55 پايىزعا ۇلعايعان. بۇل تۋرالى قالا اكىمى ينۆەستيسيالىق فورۋمدا مالىمدەدى.

بۇگىنگى كۇنى ەلىمىز بويىنشا ونلاين كوممەرسيانىڭ جارتىسىنان استامى، ينتەرنەت دۇكەنىنىڭ جانە قولما-قول اقشاسىز ەسەپ ايىرىسۋدىڭ 64 پايىز اينالىمى الماتىدا شوعىرلانعان. بىرىككەن ۇلتتار ۇيىمىنىڭ ەلەكتروندى ۇكىمەت رەيتينگىسىندە الىپ شاھار 25ء-شى ورىنعا جايعاسقان. ءقازىر قالادا جاڭا تەحنولوگيالار ۇدايى ەنگىزىلۋدە.  

«ءبىز قالالىق ورتانى قالا ادامدار ءۇشىن قاعيداسى بويىنشا جاڭعىرتۋ ۇستىندەمىز. بۇل جاڭا تەحنولوگيالاردىڭ دامۋىنا جانە جاڭا تالانت يەلەرىنىڭ تارتىلۋىنا سەرپىن بەرەدى. زامانۋي ستاندارتتار بويىنشا تاريحي ورتالىقتىڭ 3/2 بولىگى جاڭعىرتىلدى. تروتۋار مەن جاسىل ايماقتار كەڭەيتىلۋدە. جاياۋ جۇرگىنشىلەر مەكەمەلەرگە بارۋ 40 پايىزعا ۇلعايىپ، ونداعى ساۋدا اينالىمى 1،5 ەسەگە ءوستى. قالا تۇرعىندارى ۆەلوسيپەد پەن ەلەكتر ساموكاتتارىن بەلسەندى پايدالانۋدا»، – دەدى الماتى قالاسىنىڭ اكىمى باۋىرجان بايبەك.