الماتىدا 9 اي ىشىندە 850-دەن اسا مەملەكەتتىك قىزمەتكەردىڭ ءىسى تارتىپتىك كەڭەستە قارالعان. بۇل وتكەن جىلمەن سالىستىرعاندا 3 ەسەگە از كورسەتكىش.

بۇگىن ماماندار ەتيكا كەڭەسىندە وسىنداي مالىمەت ايتتى. سونداي-اق، كۇن تارتىبىندە بەس سۇراق قارالىپ، ادەپ جونىندەگى ۋاكىلدەر مەن تارتىپتىك كوميسسيالار جۇمىس ناتيجەلەرىمەن ءبولىستى. كەڭەس ءتوراعاسى دانيار تاۋمۇرات مەملەكەتتىك قىزمەتكەرلەردىڭ قۇقىعى باستى نازاردا ەكەنىن جەتكىزدى.  

«اعىمداعى جىلدىڭ 10 ايىنىڭ قورىتىندىسى بويىنشا 45 ادام جالپى سوماسى 3 ملن 108 مىڭ 485 تەڭگەگە اكىمشىلىك جاۋاپكەرشىلىككە تارتىلدى. التاۋى اكىمشىلىك كودەكستىڭ 676 جانە 677-باپتارى، ياعني زاڭسىز ماتەريالدى تۇرعىدا سىياقى بەرۋ جانە الۋ بويىنشا جاۋاپقا تارتىلعان. سەگىزى 99-باپ بويىنشا، ياعني اكىمشىلىك مەملەكەتتىك قىزمەتكەردى جۇمىسقا الۋ كەزىندە كونكۋرس شارتتارىنان زاڭبۇزۋشىلىقتار جىبەرگەن»، – دەدى ق ر مەملەكەتتىك قىزمەت ىستەرى جانە سىبايلاس جەمقورلىققا قارسى اگەنتتىگى الماتى قالاسى بويىنشا دەپارتامەنت باسشىسىنىڭ ورىنباسارى گەنناديي دانياروۆ.