الماتىدا قازاقتىڭ ايگىلى كومپوزيتورى مىڭجاسار ماڭعىتايەۆقا ارناپ مەموريالدى تاقتا اشىلدى. ول كومپوزيتوردىڭ 30 جىلعا جۋىق ءوزى تۇرعان ءۇيىنىڭ قابىرعاسىنا ورناتىلدى.  مىڭجاسار ماڭعىتايەۆ «قوزى مەن بايان» بالەتىنە، «اقساق قۇلان»، «جايلاۋدا»، «قاراتاۋ اۋەندەرى» سياقتى حورعا ارنالعان پوەمالارىندا ەرەكشە ءىز قالدىرعان. سونداي-اق، كوپتەگەن سپەكتاكلدەر مەن مۋلتفيلمدەرگە مۋزىكا جازعان. 

«اسەم كوشەنىڭ بويىندا ورنالاسقان كومپوزيتورلار ءۇيىنىڭ ءىشى تولعان قۇدىرەت ەدى عوي. نەبىر تالانتتى، قۇدىرەتتى كومپوزيتورلارىمىز، بابالارىمىز، اتاقتى كىسىلەردىڭ بارلىعى وسى جەردە تۇرعان. مىڭجاسار اعامىز دا سولاردىڭ بەل ورتاسىندا تۇردى. بۇگىنگى شارا ءۇشىن قالالىق اكىمدىككە راقمەت ايتقىم كەلەدى. بۇل دا سازگەر ەسىمىن تاريحتا قالدىرۋدىڭ جاقسى ءبىر بەلگىسى»، – دەدى قازاقستاننىڭ حالىق ءارتىسى، مەملەكەتتىك سىيلىقتىڭ لاۋرەاتى ءسابيت ورازايەۆ.