الماتىدا اۋەزوۆ اۋدانىندا كەلەسى جىلى «سارىارقا» جانە «ارىستان» بازارلارىن قايتا جاڭعىرتۋ باستالادى.

«كەلەسى جىلى  «سارىارقا» جانە «ارىستان» بازارلارىن جاڭعىرتۋ باستالادى. ولاردىڭ ورنىندا جەر استى پاركينگى بار، جايلى زاماناۋي ساۋدا ورتالىقتارى پايدا بولادى. وسىلايشا، اۋداندا پرەزيدەنتتىڭ بيزنەسكە قولايلى جاعداي جاساۋ جونىندەگى باستاماسى جالعاسىن تابادى»، - دەدى وڭىرلىك كوممۋنيكاسيالار قىزمەتىندە وتكەن بريفينگتە اۋەزوۆ اۋدانىنىڭ اكىمى ءانۋار وسكەنبايەۆ.

اكىمنىڭ ايتۋىنشا، اۋداندا  5 بازار بار، ونىڭ بىرەۋى «اقساي 3» بازارى قايتا جاڭعىرتىلىپ، ونىڭ ورنىندا زاماناۋي ساۋدا ءۇيى تۇرعىزىلدى.

«ارىستان» بازارىنا ساۋلەتتىك جوسپارلاۋ تاپسىرماسى بەرىلدى. ماقۇلدانعان ەسكيزدىك جوباسى دا دايىن. جاڭعىرتۋ 2019 جىلدىڭ ەكىنشى توقسانىنىنا جوسپارلانۋدا. ءبىز ەسكيزدەردى ءقازىر قالامەن كەلىسەتىن بولامىز، بۇل بارلىق ستاندارتتارعا ساي كەلەتىن زاماناۋي ساۋدا ءۇيى بولادى. «سارىارقا» بازارىنا كەلەر بولساق، ەسكيزدىك جوبانى كوردىك، 2019 جىلدىڭ ءۇشىنشى توقسانىندا 2020 جىلدىڭ باسىندا اياقتالۋى مۇمكىن. «سارىارقا» بازارىنىڭ التىنسارين كوشەسىنە قارايتىن بولىگىندە كەلەسى جىلى جوندەۋ جۇمىستارىن باستايدى»، - دەدى اۋدان اكىمى.

سونىمەن قاتار، جىل باسىنان بەرى اۋداندا «OBI» نەمىس برەندىنىڭ گيپەرماركەتى سياقتى جاڭا بيزنەس نىساندارى ىسكە قوسىلىپ، 6،3 ملرد.تەڭگە ينۆەستيسيا سالىنىپ، 240 جاڭا جۇمىس ورنى اشىلدى. ەستەرىڭىزگە سالا كەتەيىك، بۇعان دەيىن الماتى اكىمدىگى

2020 جىلعا قاراي قالانىڭ بارلىق بازارلارى قازىرگى زامانعا ساي بولۋى ءتيىس دەپ مالىمدەگەن بولاتىن.