الماتىدان تالعارعا قاتىناۋ ەندى وڭاي.  كەلەر ايدان باستاپ الماتىدان وبلىس اۋماعىنا قاراي جولاۋشى تاسىمالدايتىن جاڭا اۆتوبۋستار شىعادى.

قوعامدىق كولىكتەرگە «وڭاي» جۇيەسى ورناتىلىپ، جولاقى قالاداعىداي 80 تەڭگە كۇيىندە قالادى. جاڭادان ىسكە قوسىلاتىن №202 مارشرۋت قاسكەلەڭ-الماتى باعىتىندا جولاۋشى تاسىمالداسا، №203 اۆتوبۋس تالعارعا قاتىنايدى. قالا اكىمدىگى جاڭا باعىتتار ءۇشىن سۋ جاڭا 40 گازەل ءبولىپ وتىر. ەكى ورتاعا قوسىمشا قوعامدىق كولىك بولۋگە تۇرعىندار تاراپىنان كوپتەپ تۇسكەن ءوتىنىش سەبەپ بولىپتى.  

«№202 باعىت سايران اۆتوبەكەتىنەن شىعىپ رايىمبەك داڭعىلى ارقىلى «اسىل ارمان» تۇرعىن ءۇي كەشەنى ارقىلى ءوتىپ، ارى قاراي «ءۇشقوڭىر» اۆتوۆوكزالى جانە «بارىس» ساۋدا ورتالىعى ارقىلى قاسكەلەڭگە قاراي وتەتىن بولادى. تالعارعا جۇرەتىن اۆتوبۋس قۇلجا تاس جولىنىڭ بويىمەن ءوتىپ، سول جاقتاعى ەلدى-مەكەندەردىڭ ادامدارىنا قىزمەت كورسەتىپ، قۇلجا تاس جولىنان تالعارعا كىرەتىن بولادى»، – دەدى الماتى قالاسى جولاۋشىلار كولىگى جانە اۆتوموبيل جولدارى باسقارماسىنىڭ باس مامانى شىڭعىس بايقاداموۆ.