«ءتىلىم ءۇشىن ءوزىم دە ولەمىن، باسقالارىن دا ايامايمىن» دەگەن ءتىل كۇرەسكەرى كەرەكۋلىك رۋزا بەيسەنبايتەگى بۇگىن جالعىز ەمەس. ونى بار قازاق قولدايدى، قولداۋ ءۇشىن رەسپۋبليكانىڭ ءار ايماعىنان كەرەكۋگە اتتانعان ازامات كوپ.

بۇگىن رۋزا بەيسەنبايتەگى باستاعان ءتىل جاناشىرلارى پاۆلودار تۇرعىندارىمەن بىرنەشە كەزدەسۋ وتكىزەدى. ماقساتى – پاۆلودارلىقتارعا مەملەكەتتىك ءتىلدىڭ قادىر-قاسيەتىن ۇعىندىرۋ، ءتىل ءۇشىن كۇرەسىپ جۇرگەن بەلسەندىلەردىڭ بارىن كورسەتۋ، انا ءتىلىن قولداۋ، قورعاۋ. العاشقى كەزدەسۋ ساعات 11:00-دە پمپي-دە وتەدى. ال ساعات تۇسكى 14:30-دا پاۆلودار وبلىستىق كىتاپحاناسىندا بولماق.

رۋزا بەيسەنبايتەگىنىڭ ايتۋىنشا، كەزدەسۋلەرگە مەملەكەتتىك ورگان وكىلدەرى مەن «ءتىلىم!» دەگەن ايبىندى جاستاردىڭ ءبارى دەرلىك قاتىسا الادى.  

كەشە استانا قالاسىنان بەلگىلى زاڭگەر ابزال قۇسپان باستاعان ءبىر توپ ءتىل كۇرەسكەرىن قولداۋ ءۇشىن كەرەكۋگە اتتانعان. ال Qamshy.kz اقپارات اگەنتتىگى ۇلت، ءتىل ماسەلەلەرىن كوتەرىپ جۇرگەن جاناشىرلارعا اقپاراتتىق قولداۋ كورسەتۋگە قاشان دا دايىن.

رۋزا بەيسەنبايتەگى دەگەن كىم؟

ول – ورىستانعان سولتۇستىكتە مىڭمەن جالعىز الىسقان ءتىل جاناشىرى. كەرەكۋدىڭ باسشىلارىنان باستاپ قاراپايىم تۇرعىندارعا دەيىن ونىڭ اياعىنان شالۋعا تالاي ارەكەتتەنگەن. الايدا رۋزا حانىم قۇلاعان جوق، ەڭسەسىن تىك كوتەرىپ، مەملەكەتتىك ءتىلدى مەنسىنبەيتىندەرمەن كۇرەسىپ كەلەدى، كۇرەسە بەرەدى.  ءتىپتى دەنساۋلىعى سىر ءبىلدىرىپ جۇرسە دە، توقتايمىن دەگەن ايەل زاتى جوق. كەلەشەك ۇرپاققا تازا، باي قازاق ءتىلىن سول قالپى جەتكىزۋدى ماقسات تۇتتى. سول ماقساتى ءۇشىن ءوزىن قۇربان ەتۋگە دايار تەمىر ايەل.