الماتىدا جاندوسوۆ كوشەسى بويىنداعى اقساي وزەنى ارقىلى وتەتىن كوپىر قايتا جاسالىپ، پايدالانۋعا بەرىلدى.
بۇل نىسان 1963 جىلى سالىنعان بولاتىن. قۇزىرلى ورگانداردان قۇرالعان كوميسسيا بۇل كوپىردى 2015 جىلى اپاتتى دەپ باعالاعان. كوپىر ناۋرىزباي جانە قاراساي اۋداندارىنىڭ اۆتوكولىكتەرىنە ارنالعان.
«بۇرىنعى ەسكى كوپىر تۇگەل بۇزىلدى. كوپىرگە مىقتى تىرەكتەر مەن قابىرعالار ورناتىلدى. وتپەلى پليتالار جاسالىپ، قورشاۋلار قويىلدى. ەكى قاباتتى اسفالت توسەلگەن جاڭا كوپىر پايدا بولدى. رەكونسترۋكسيا كەزىندە ءتورت جولاقتى كولىك قوزعالىسى جانە ونىڭ ەكى جاعىنا تروتۋار جاسالدى. جۇزەگە اسقان ناقتىلى شارالاردىڭ بارلىعى كوپىر ۇستىمەن جۇرەتىن كولىكتەردىڭ جوعارى قاۋىپسىزدىگىن قامتاماسىز ەتەدى»، - دەدى جولاۋشىلار كولىگى جانە اۆتوموبيل جولدارى باسقارماسىنان.
ەسكە سالا كەتەيىك، وتكەن اپتادا «مەدەۋ - شىمبۇلاق» كوپىرى دە قايتا جاسالىپ، حالىق يگىلىگىنە بەرىلگەن بولاتىن.
