الماتىنىڭ ۇزدىك ۇستازىنا كولىك سىيعا بەرىلمەك. مۇعالىمدەر اراسىندا قاسىل قاتىقبايەۆا اتىنداعى «ۇستاز مارتەبەسى – ۇلت مەرەيى» قالالىق بايقاۋىنىڭ ءبىرىنشى كەزەڭى ءوتتى.

بايقاۋعا قاتىسۋعا 8 اۋداننان 100-گە تارتا ءمۇعالىم ءوتىنىش بىلدىرگەن. اراسىنان وق بويى وزىپ شىققان 23 ۇستاز، 3 كەزەڭ بويىنشا ب ا ق سىنايدى. العاشقى كەزەڭدە قاتىسۋشىلار قازىلار القاسىنا پەداگوگيكالىق تۇجىرىمدامالارىن ۇسىندى. بايقاۋ جەڭىمپازدارى جەلتوقسان ايىندا انىقتالادى. سونىمەن قاتار، جۇلدەلى ورىننان كورىنگەن جەڭىمپازدارعا شەتەلگە وتباسىلىق دەمالىسقا جولداما بەرىلەدى.

«بۇگىنگى بايقاۋ – ۇستازداردىڭ اراسىندا ۇستاز بەدەلىن كوتەرۋگە، وسى جولداۋعا تىكەلەي بايلانىستى قوسىلعان ءۇن. قالامىزدىڭ بۇكىل مەكتەبىنەن وسى بايقاۋعا قاتىسقىسى كەلگەن ۇستازداردىڭ كەيبىرەۋى وزدەرى نيەت ءبىلدىردى، كەيبىرەۋى اۋداندىق بايقاۋدان وزىپ شىعىپ، وسى قالالىق بايقاۋعا كەلىپ وتىر»، – دەدى قازاقستاننىڭ ەڭبەك ەرى اياگۇل ميرازوۆا.