الماتىنىڭ تاۋ بوكتەرىندەگى 5 گەكتار جەر مەملەكەت مەنشىگىنە قايتارىلادى. مۇنداي شەشىمدى الماتى قالاسىنىڭ مامانداندىرىلعان اۋدانارالىق ەكونوميكالىق سوتى شىعاردى.

سوتتىڭ ۇيعارىمى بويىنشا، قاراساي اۋدانى اكىمىنىڭ شەشىمىمەن، 2002 جىلى «ينتەر ينۆەست» جاۋاپكەرشىلىگى شەكتەۋلى سەرىكتەستىگىنە سپورتتىق-ساۋىقتىرۋ كەشەنىن ورنالاستىرۋ ءۇشىن كازاچكا شاتقالىنان 5 گەكتار جەر تەلىمى بەرىلگەن. 2015 جىلى اتالعان كومپانيا جەر ۋچاسكەسىن SPM Grupp -قا ساتىپ جىبەرگەن. ال جەر تەلىمى ىلە الاتاۋى مەملەكەتتىك ۇلتتىق تابيعي پاركىنىڭ اۋماعىندا بولعان. ياعني، ەرەكشە قورعالاتىن تابيعي اۋماققا جاتادى. بۇدان شىعاتىن ءتۇيىن – اۋدان اكىمىنىڭ جەردى بەرۋ تۋرالى شەشىمى زاڭسىز بولعان، ال جەر ۋچاسكەسىنە قاتىستى جاسالعان مامىلەلەر مەن ولاردىڭ سوت ورگاندارىنا تىركەلۋى تۋرالى مالىمەتتەر جويىلادى.

ايتا كەتسەك، بيىل جازدا قالا اكىمى باۋىرجان بايبەك 5 گەكتار جەردى زاڭعا سايكەس، مەملەكەتتىك مەنشىككە قايتارۋ پروسەسىن باستاۋدى تاپسىرعان بولاتىن.