قازاقستاندا بۇقارالىق اقپارات قۇرالدارى تۋرالى جاڭا زاڭ قابىلدانادى. سەبەبى، 19 جىل بويى قولدانىلىپ كەلگەن ماڭىزدى قۇجات ەسكىرىپ، قازىرگى زامان تالاپتارىنا جاۋاپ بەرە الماي وتىر.

بۇل تۋرالى الماتىدا وتكەن ءحى رەسپۋبليكالىق مەدياقۇرىلتايدا ب ا ق سالاسىنداعى مەملەكەتتىك ساياساتتى جۇرگىزۋ دەپارتامەنتىنىڭ ديرەكتورى بەكزات راحيموۆ مالىمدەدى. ازىرگە ونىڭ مازمۇنى مەن ونداعى نەگىزگى باعىتتار ءالى بەلگىسىز. تەك عالامتور بەتتەرىندەگى اقپاراتتارعا باقىلاۋ كۇشەيەدى. بۇگىنگى باسقوسۋدا قازاق تىلىندەگى باق-تى دامىتۋ ماسەلەسىنە دە ەرەكشە كوڭىل اۋدارىلدى.

«مەملەكەتتىك تىلدەگى كونتەنتتىڭ قالىپتاسۋى ءقازىر جىلدام دامىپ كەلەدى. مەملەكەتتىك تاپسىرىس ارقىلى دا بۇل سالاعا ەرەكشە كوڭىل بولىنۋدە. كورەرمەن رەتىندە، اقپاراتتى تۇتىنۋشى رەتىندە قازاق ءتىلدى ب ا ق وزگە سالالارمەن باسەكەگە تۇسە الادى دەپ ويلايمىن»، – دەدى ق ر اكم ب ا ق سالاسىنداعى مەملەكەتتىك ساياسات دەپارتامەنتىنىڭ ديرەكتورى بەكزات راقىموۆ.

ال كەلەر جىلى قازاقستاندا بارلىق مەملەكەتتىك ورگان ءۇشىن ءبىرىڭعاي سايت ىسكە قوسىلادى ەكەن. الدىمەن 396 سايت جابىلىپ، مەملەكەتتىك ورگانداردىڭ اقپاراتتىق رەسۋرستارى gov.kz پلاتفورماسىنا كوشەدى. وندا قۇقىقتىق نورما اكتىلەرى مەن جۇرگىزىلىپ جاتقان ساياسات تۋرالى اقپاراتتار جينالادى. ال سيفرلاندىرۋ داۋىرىندەگى جاڭالىقتار، عالامتوردىڭ مۇمكىندىگى قازاقستاندىق مەديا نارىقتى تەرىس ەمەس، كەرىسىنشە ونى كوتەرۋگە سەرپىن بەرەدى دەيدى ساراپشى.

«مەنىڭ ويىمشا، اقپاراتتىق، ساندىق تەحنولوگيالار تەلەديداردىڭ الەۋەتىن ارتتىرادى. ونىڭ الەمدىك دەڭگەيگە شىعۋىنا كومەكتەسەدى. مىسالى، «الماتى» تەلەارناسىن كورۋ ءۇشىن بۇرىن تەك الماتىنىڭ نەمەسە قازاقستاننىڭ تۇرعىنى بولۋ كەرەك بولاتىن بولسا، ءقازىر ينتەرنەتتىڭ ارقاسىندا انتاركتيدانىڭ وزىندە وتىرىپ الىپ، ونلاين فورماتتا بولسىن، YouTube كانالىنان بولسىن، «الماتى» ارناسىن كورە بەرۋگە بولادى. ماسەلە تەك سول كانالدا جۇرگەن، ارنادا جۇرگەن ازاماتتاردىڭ سوعان بەيىم بولۋى، وسىنداي جاقسى مۇمكىندىكتەردى پايدالانۋىندا عانا»، – دەدى ساياساتتانۋشى ايدوس سارىم.