الماتىدا قالا كوشەلەرىن جاڭارتۋ جوسپارى تالقىلاندى. ساۋلەتشىلەر تۇرعىنداردىڭ پىكىرىن ءبىلىپ، قالا ماسەلەسىن تالقىلاۋعا الەۋمەتتىك جەلىلەر از بولادى دەيدى.
بۇل تۋرالى الماتى قالاسى ساۋلەت جانە قالا قۇرىلىسى باسقارماسى ماماندارى مەن تاۋەلسىز ارحيتەكتورلار كەزدەسۋىندە ايتىلدى. جيىندا مەگاپوليس تۇرعىندارىنا اقپارات تاراتۋدى كۇشەيتۋ مەن ساراپشىلاردى كوبەيتۋ ۇسىنىلدى.
«قالانىڭ ساۋلەت جانە قالا قۇرىلىسى باسقارماسىنىڭ رەسمي سايتىندا جاڭاراتىن 8 كوشەنىڭ قۇجاتى جاريالانعان. ياعني، مەنىڭ تۇسىنگەنىم، وندا جۇرگىنشىلەرگە باسىمدىق بەرىلمەك، ءبىرجاقتى كولىك قوزعالىسى بولادى دەلىنگەن. تولىق اقپارات جوق. سوندىقتان وندا كىرگەن ادام كوشەنىڭ قالاي وزگەرەتىنىن، ول جەردە نە بولاتىنىن بىلە المايدى. اقپارات از»، – دەدى ارحيتەكتور ايسۇلۋ ءۋالي.
قالانىڭ ساۋلەت جانە قۇرىلىس باسقارماسىنىڭ ماماندارى جيىندا ايتىلعان ۇسىنىستاردىڭ بارلىعى قارالاتىنىن ايتتى. سونىمەن قاتار، الماتىنىڭ باس جوسپارى قالا تۇرعىندارى جانە قوعام بەلسەندىلەرىمەن بىرىگىپ دايىندالىپ جاتىر ەكەن. ءقازىر ماماندار قۇجاتتىڭ بەكىتىلۋىن كۇتىپ وتىر. سودان كەيىن اشىق تالقىلاۋ وتكىزىلەدى. سول ارقىلى كەلەسى جىلدىڭ جۇمىس جوسپارى بەلگىلى بولماق.
«كەلەسى جىلدا مۇمكىندىك بولسا، اياقتايمىز. قابىلداۋعا ەلشىلىككە بەرەمىز. كەلەسى جىلى باس جوسپار بويىنشا تالقىلاۋلار باستالادى»، – دەدى الماتى قالاسى ساۋلەت جانە قالا قۇرىلىسى باسقارماسى باسشىسىنىڭ ورىنباسارى الماسحان احمەتجانوۆ.
