«سايالى-1» جانە «سايالى-2» ىقشاماۋداندارىندا 29 ءۇيدىڭ قۇرىلىسى اياقتالۋعا جاقىن. الماتىنىڭ الاتاۋ اۋدانىندا «نۇرلى جەر» جانە «نۇرلى جول» باعدارلاماسى اياسىندا تۇرعىن ءۇي قۇرىلىسى قارقىندى ءجۇرىپ جاتىر. ول باسپانالار قاشان پايدالانۋعا بەرىلەدى؟

«سايالى-1» شاعىناۋدانىنىڭ وزىندە بيىل 98 كوپقاباتتى تۇرعىن ءۇي سالىنىپ بىتسە، ونىڭ 83ء-ى پايدالانۋعا بەرىلگەن. قازىرگى كۇنى تاعى 15 ءۇيدىڭ قۇرىلىسى بىتكەن. ال «سايالى-2» ىقشاماۋدانىندا 14 ءۇيدىڭ قۇرىلىس جۇمىستارى اياقتالۋعا جاقىن. قوس شاعىناۋدانداعى 29 كوپقاباتتى ءۇي جەلتوقسان ايىندا پايدالانۋعا بەرىلمەك. ياعني، جىل سوڭىنا قاراي مىڭعا جۋىق وتباسى قونىس تويىن تويلاماق.

«قازىرگى تاڭدا الاتاۋ اۋدانىندا 372 ءۇي سالىنىپ ءبىتتى. ونىڭ كولەمى 2 ملن 300 شارشى مەتردى قۇرايدى. قازىرگى تاڭدا كوپقاباتتى ۇيلەر سالىنىپ جاتىر. مەكتەپ، بالاباقشالار، جاڭا الاڭدار دا سالىنۋدا. وسى جىلى ءبىز قالا اكىمىنىڭ تاپسىرماسىمەن الاتاۋ اۋدانىندا 20 الاڭ سالدىق»، – دەدى الماتى قالاسى الاتاۋ اۋدانى اكىمى اپپاراتىنىڭ كوممۋنالدىق-شارۋاشىلىق ءبولىمىنىڭ باسشىسى ادىلەت توقتاسىنوۆ.

الماتىدا بيىل 9 ايىندا 1،5 ميلليونداي شارشى مەتر تۇرعىن ءۇي سالىندى. وعان 11 مىڭ 200 وتباسى جاڭا پاتەرلەرگە قونىستانعان.  

«بيىل الماتى قالاسى بويىنشا 1 ملن 300 مىڭ شارشى مەتر ءۇي پايدالانۋعا بەرىلدى. سونىڭ ىشىندە، «نۇرلى جەر» مەملەكەتتىك باعدارلاما بويىنشا 121 ءۇي سالىنىپ جاتىر. ول دەگەنىمىز، 3600 پاتەر»، – دەدى الماتى قالاسى قۇرىلىس باسقارماسى باسشىسىنىڭ ورىنباسارى قۋاندىق ايتماعامبەتوۆ.

بيىل مەگاپوليستە «نۇرلى جەر» باعدارلاماسى اياسىندا 63 تۇرعىن ءۇي پايدالانۋعا بەرىلىپ، 3 مىڭنان اسا وتباسىعا پاتەر كىلتى تابىستالعان. قازىرگى تاڭدا جالپى اۋماعى 257 مىڭ شارتى مەتردى قۇرايتىن تاعى 74 ءۇيدىڭ قۇرىلىسى قارقىندى ءجۇرىپ جاتىر.