الماتى اۋەجايى تمد ەلدەرى اراسىندا ءۇشىنشى ساناتتىق جالعىز اۋەجاي ەكەنىن راستايتىن سەرتيفيكاتقا يە بولدى. بۇل قۇجات اۋەجايدىڭ حالىقارالىق ازاماتتىق اۆياسيا ۇيىمىنىڭ ستاندارتتارىنا ساي ەكەنىن بىلدىرەدى.

بۇعان دەيىن الماتى اۋەجايىندا جوندەۋ جۇمىستارى جۇرگىزىلگەن بولاتىن. ەنەرگيا شىعىندارى مەن كومىرقىشقىل گازىنىڭ شىعىندارىن ازايتىپ، جاڭا جارىقتاندىرۋ جابدىقتارى دا ورناتىلعان. وسىدان كەيىن الماتى اۋەجايى تاۋلىگىنە 480 رەيستى كۇتىپ نە اۋەگە شىعارىپ سالۋ قاۋقارىنا جەتىپتى.  

«بۇل باعدارلاما الماتى اۋەجايى اەرودرومىنىڭ الەۋەتىن ارتتىرۋعا ارنالعان. بۇگىنگى كۇنى ول ساعاتىنا 6-8 ۇشاقتا جۇمىس ىستەيدى، وسى باعدارلامانىڭ سوڭىندا سەرتيفيكات الۋ ارقىلى تاپسىرىلعان اۋە كەمەلەرىنىڭ سىيىمدىلىعى ەكى ەسەلەنەدى. ساعاتىنا شامامەن، 20 ۇشاق ۇشىپ كەتەدى»، – دەدى «الماتى حالىقارالىق اۋەجايى» اق ۆيسە-پرەزدەنتى الەكساندر گوردەيەۆ.