الماتىلىق پوليسەيلەر ەندى كولىكتەردىڭ ورتاشا جىلدامدىعىن ولشەمەك. وزگەرىس قالا كوشەلەرىندە 1 جەلتوقساننان باستاپ ىسكە قوسىلادى.
بۇدان بىلاي باقىلاۋ كامەرالارى كولىكتىڭ جىلدامدىق شەگىن تەك بەكەتتەرگە جاقىن جەردە عانا ەمەس، بۇكىل باعىت بويىمەن انىقتايدى. ويتكەنى، جۇرگىزۋشىلەردىڭ باسىم بولىگى تەك انىقتاعىش جۇيەنىڭ جانىنا جەتكەندە عانا جىلدامدىقتى باسەڭدەتەتىن كورىنەدى. ءقازىر ءتارتىپ ساقشىلارى الماتىداعى 110 اۆتوماتتاندىرىلعان بەينەباقىلاۋ جۇيەسىنە جاڭا فۋنكسيانى ەنگىزۋدە. ال الداعى جىلدارى كامەرالار سانى 142-گە جەتەدى.
«بەكەتتەردىڭ قۇرامىنا جاڭا فۋنكسيا ەنگىزىلگەن بولاتىن. ياعني، ا پۋنكتىنەن ب پۋنكتىنە جەتكەن ساتتە ورتاشا جىلدامدىقتى ەسەپتەپ وتىرىپ، ەگەر جىلدامدىقتى اسىرۋ دەرەگى انىقتالسا، وندا ايىپپۇلدار سالىناتىن بولادى. بۇل جاڭاشىلدىقتى ىسكە ەنگىزۋدىڭ بىردەن ءبىر سەبەبى، قالامىزداعى جول احۋالىن تۇراقتاندىرۋ. جول قاۋىپسىزدىگىن ءتيىستى دەڭگەيدە قامتاماسىز ەتۋ جانە ادامداردىڭ جولداعى ءومىرى مەن دەنساۋلىعىن ساقتاپ قالۋ»، – دەدى الماتى قالاسى پوليسيا دەپارتامەنتىنىڭ رەسمي وكىلى سالتانات ازىربەك.
