اقتوبەدە تانىمال ساياساتتانۋشىلار مەن عالىمدار پرەزيدەنتتىڭ «ۇلى دالانىڭ جەتى قىرى» اتتى ماقالاسىن تالقىلادى.

اقتوبەدە 300-گە تارتا عالىم تاريحشىلار، ەتنوگرافتار، ارحەولوگتار، مادەنيەت قايراتكەرلەرى، قوعامدىق ۇيىمدار مەن جوعارى وقۋ ورىندارىنىڭ وكىلدەرى، كىتاپحاناشىلار مەن مۇراجاي قىزمەتكەرلەرى قاتىسقان دوڭگەلەك ۇستەلدە مەملەكەت باسشىسى نۇرسۇلتان ءابىش ۇلى نازاربايەۆتىڭ «ۇلى دالانىڭ جەتى قىرى» اتتى ماقالاسىندا قويعان تاپسىرمالارىن جۇزەگە اسىرۋ جولدارى تالقىلاندى.

اقتوبە وبلىسىنىڭ اكىمى بەردىبەك ساپاربايەۆ:

"ەلباسىنىڭ بارلىق ماقالالارى – وسكەلەڭ، بولاشاق ۇرپاق ءۇشىن عيبراتتى سوزدەرىمەن دانالى. سونىڭ ىشىندە، «ۇلى دالانىڭ جەتى قىرى» اتتى ماقالاسى ءبىزدىڭ وتكەنىمىزدىڭ ۇلىلىعىن تەرەڭىرەك تانۋعا، قازاقستاننىڭ الەمدىك وركەنيەت جۇيەسىندەگى ماڭىزدىلىعىن كورسەتۋگە مۇمكىندىك بەرەدى. وبلىستا اتالمىش ماقالانىڭ نەگىزگى قىرلارىن ىسكە اسىراتىن ۇسىنىستاردى ازىرلەۋ ءۇشىن عالىمدار مەن ارداگەرلەردىڭ، قوعام قايراتكەرلەرىنىڭ بىرنەشە ءىرى كەزدەسۋلەرى ءوتتى. ارنايى جۇمىس توبى قۇرىلدى. اقتوبەلىكتەردىڭ ماقساتى – ونى جۇزەگە اسىرۋ ءۇشىن بارىنشا ۇلەس قوسۋ، - دەپ اتاپ ءوتتى.

جيىندى اشقان وبلىس اكىمى بەردىبەك ساپاربايەۆ پرەزيدەنتتىڭ «ۇلى دالانىڭ جەتى قىرى» باعدارلامالىق ماقالاسى ەڭ الدىمەن جاستارعا باعىتتالعانىن اتاپ ءوتتى.

- سىزدەر ەلباسىنىڭ جاس ۇرپاققا قالاي كوپ كوڭىل بولەتىنىن وزدەرىڭىز دە كورىپ جۇرسىزدەر. بەس الەۋمەتتىك باستاما ەڭ ءبىرىنشى، جاستاردى قولداۋعا، ياعني ءبىلىم گرانتتارىن ارتتىرۋعا جانە بيزنەستى شاعىن نەسيەلەۋگە، ستۋدەنتتەر جاتاقحاناسىن سالۋعا باعىتتالعان. «ۇلى دالانىڭ جەتى قىرى» دا ەڭ الدىمەن سىزدەرگە ارنالعان. سىزدەر وزدەرىڭىزدىڭ ماقتانۋعا تۇرارلىق جانە ۇيالۋعا ەش نەگىزى جوق ناعىز تاريحىڭىزدى بىلۋلەرىڭىز كەرەك،-دەدى وبلىس اكىمى ستۋدەنتتەرگە.

تاريحشى عالىم دارحان ءقىدىرالى ءوز سوزىندە تامىرىن جوعالتقان ادامنىڭ جەردە نىق تۇرا المايتىندىعىن اتاپ ءوتتى.

- جاستىق تەز وتەدى. سوندىقتان، نەگىزگى ءبىلىمدى بۇگىن الۋلارىڭىز كەرەك. ەلباسى باعدارلامالارى سول ءۇشىن ۇلكەن مۇمكىندىكتەر بەرەدى. جەردە ودان دا نىق تۇرۋ ءۇشىن تامىرلارىڭىزدى تانىپ، جوعالتپاڭىزدار. سىزدەردى باقىتتى ازاماتتار دەپ سەنىمدى ايتا الام، ويتكەنى پرەزيدەنت جاستارعا جان جاقتى دامۋ ءۇشىن بارلىق مۇمكىندىكتەردى بەرىپ وتىر. بۇل اقتوبە مىسالىندا ايقىن كورىنەدى - قالا جىل سايىن دامىپ كەلەدى. جاستاردىڭ باسەكەگە قابىلەتتىلىكتەرىن ارتتىرۋ ءۇشىن ادەمى مەكەمەلەر اشىلدى. سونىڭ ىشىندە وسى شىعارماشىلىق اكادەمياسى دا بار،-دەدى ول.

وڭىرگە ارنايى كەلگەن «ەگەمەن قازاقستان» رگ» اق باسقارما ءتوراعاسى، حالىقارالىق تۇركى اكادەمياسىنىڭ پرەزيدەنتى دارحان ءقىدىرالى، «قازاقپارات» حالىقارالىق اقپارات اگەنتتىگىنىڭ باس ديرەكتورى اسقار ۋماروۆ، «قاسيەتتى قازاقستان» عىلىمي-زەرتتەۋ ورتالىعىنىڭ ديرەكتورى بەرىك ءابدىعالي، قوعام قايراتكەرى ايدوس سارىم، «قازاقستان بلوگەرلەرىنىڭ اليانسى» قب ءتوراعاسى عالىم بايتۋك ماقالا ەرەجەلەرىنىڭ ورىندالۋى تۋرالى ءوز كوزقاراستارىمەن ءبولىستى.

پىكىر-تالاس كەزىندە اقتوبە وبلىسىندا «رۋحاني جاڭعىرۋ» باعدارلاماسىنىڭ جالعاسى - «ۇلى دالانىڭ جەتى قىرى» اتتى

ماقالاداعى مىندەتتەردى جۇزەگە اسىرۋ تۋرالى جان-جاقتى پىكىر الماستى. كەزدەسۋ سوڭىندا قوناقتار وڭىردە ۇلتتىق تاريحي-مادەني مۇرانى ساقتاۋ جانە دارىپتەۋ بويىنشا اتقارىلعان جۇمىستارعا جوعارى باعا بەردى.

- كيەلى جەرلەردى ساقتاپ، دامىتۋ ءۇشىن كوپ دۇنيەلەر جاسالعانىن كورىپ تۇرمىز، ادەمى مۇراجاي سالىنعان. «اناعا تاعزىم» رۋحاني-ونەگەلىك تاربيە بەرۋ ورتالىعىن ەرەكشە اتاپ وتكىم كەلەدى. وتە دۇرىس باعىت تاڭدالعان، ويتكەنى ۇلت بولاشاعى – انالاردىڭ قولىندا، - دەدى حالىقارالىق تۇركى اكادەمياسىنىڭ ۆيسە-پرەزيدەنت اسقار ۋماروۆ.

كۇننىڭ ەكىنشى جارتىسىندا قاتىسۋشىلار اقتوبە وبلىسىنىڭ جاستارىمەن كەزدەستى.

شىعارماشىلىق اكادەمياسىندا وتكەن كەزدەسۋگە وڭىردەگى جوعارى جانە ارنايى ورتا وقۋ ورىندارىنىڭ 400-دەن اسا بەلسەندى ستۋدەنتتەرى قاتىستى. وڭىرگە ارنايى كەلگەن «ەگەمەن قازاقستان» رگ» اق باسقارما ءتوراعاسى، حالىقارالىق تۇركى اكادەمياسىنىڭ پرەزيدەنتى دارحان ءقىدىرالى، «قازاقپارات» حالىقارالىق اقپارات اگەنتتىگىنىڭ باس ديرەكتورى اسقار ۋماروۆ، «قاسيەتتى قازاقستان» عىلىمي-زەرتتەۋ ورتالىعىنىڭ ديرەكتورى بەرىك ءابدىعالي، قوعام قايراتكەرى ايدوس سارىم، «قازاقستان بلوگەرلەرىنىڭ اليانسى» قب ءتوراعاسى عالىم بايتۋك ماقالا ەرەجەلەرىنىڭ ورىندالۋى تۋرالى ءوز كوزقاراستارىمەن ءبولىستى.

ءوز كەزەگىندە، عالىم بايتۋك «ۇلى دالانىڭ جەتى قىرى» - جاستارعا پاتريوتتىق تاربيەنى قالىپتاستىراتىن ادامگەرشىلىك نەگىزى ەكەنىن اتاپ ءوتتى.

عالىم بايتۋك: «اقتوبە ەڭ قىزىقتى جانە قارقىندى دامىپ كەلە جاتقان قالالاردىڭ ءبىرى. بۇگىن مەن مۇراجاي، سپورت ورتالىقتارى، «اناعا تاعزىم» ورتالىعى سياقتى بىرنەشە جاڭا الەۋمەتتىك نىسانداردى قاراپ شىعىپ، پرەزيدەنت ماقالاسىنداعى مىندەتتەردى جۇزەگە اسىرۋ ءۇشىن مىقتى قور قۇرىلعانىن ايتا الامىن. سىزدەر عاسىرلار بويى پروگرەستىڭ قوزعالتقىشى بولعان جاستار رەتىندە وسى بىرەگەي نىسانداردى پاتريوتيزمگە نەگىزدەلگەن يدەيالارىڭىزبەن دامىتۋعا كومەكتەسۋلەرىڭىز كەرەك. پاتريوت بولىڭىزدار – سولاي عانا سىزدەر وتان ءۇشىن كوپ نارسە ىستەي الاسىزدار، ويتكەنى پاتريوتيزم – بۇل ءارقاشان ۇمتىلىس، قولداۋ جانە دامۋ»،-دەگەن سەنىمدە.

كەزدەسۋ ستۋدەنتتەردىڭ سۇراقتارىمەن اياقتالدى. جاستاردى قازاقستانداعى كيەلى جەرلەردىڭ ءارى قارايعى زەرتتەلۋى، باق-تىڭ ەلەكتروندى فورماتقا كوشۋى، لاتىن ءالىپبيىن ەنگىزۋدىڭ قازىرگى جاعدايى جانە ت.ب. قىزىقتىردى.