بيزنەستى قورعاۋ، قولايلى ينۆەستيسيالىق جاعداي جاساۋ جانە كاسىپكەرلەر ءۇشىن سىبايلاس جەمقورلىق دەرەكتەرى بويىنشا قىسىمداردى تومەندەتۋ قازاقستان رەسپۋبليكاسىنىڭ مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ باسىم باعىتتارىنىڭ ءبىرى بولىپ تابىلادى.

بۇگىنگى كۇنى، اگەنتتىك تاراپىنان ەل ەكونوميكاسىنا ينۆەستيسيالاردىڭ كەلۋىن جەڭىلدەتۋ، بيۋروكراتيا تارتىپتەرىن جانە سىبايلاس جەمقورلىق دەرەكتەرىن بولدىرماۋ ماقساتىندا «Protecting Business and Investments» جوباسى جۇزەگە اسىرىلۋدا.

2018 جىلدىڭ 12 جەلتوقسان كۇنى اگەنتتىك ءتوراعاسىنىڭ ورىنباسارى ا.شايىموۆا اتالعانجوبا اياسىندا سىبايلاس جەمقورلىققا قارسى سۇيەمەلدەۋگە الىنعان «Golden Camel Group LTD» سەرىكتەستىگىنە ات باسىن بۇرىپ، جۇمىس بارىسىمەن تانىستى.

بۇل سەرىكتەستىك ەلىمىزگە جالپى قۇنى 22 ملن.دوللاردى قۇرايتىن ينۆەستيسيا قۇيۋدا. كومپانيا تۇيە جانە جىلقى ءسۇتىن وڭدەۋمەن اينالىسادى.  

ايتا كەتسەك، قازاقستان رەسپۋبليكاسىنىڭ مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىءنىڭ تۇركىستان وبلىسى بويىنشا دەپارتامەنتى اعىمداعى جىلعى قىركۇيەك ايىنان باستاپ بۇگىنگى كۇنگە دەيىن جالپى سوماسى 240 ملرد. تەڭگەدەن اساتىن 5ينۆەستيسيالىق جوبانى سىبايلاس جەمقورلىققا قارسى سۇيەمەلدەۋ تۋرالى ينۆەستورلارمەن كەلىسىمگە قول قويدى.