«The Caspian International Restaurants Company» جشس-نا قاراستى «كفس» رەستوراندار جەلىسىنە بەرىلگەن «قمدب حالال» سەرتيفيكاتى ءوز كۇشىن جويدى دەپ حابارلايدى Qamshy.kz اقپارات اگەنتتىگى قمدب حالال ستاندارتتاۋ ءبولىمىنىڭ باسپا ءسوز قىزمەتىنىڭ دەرەگىنە سۇيەنىپ.

ەستەرىڭىزگە سالا كەتسەك، بۇعان دەيىن «كفس» رەستوراندار جەلىسى رەسەي فەدەراسياسىنا قاراستى حالال ستاندارت تالاپتارىنا ساي وندىرىلەتىن، قمدب «حالال دامۋ» جشس-ڭ ارنايى وقىتىلعان قاساپشىلارى تەك قانا قولمەن باۋىزداپ، بىرنەشە اۋسىممەن جۇمىس ىستەگەن، «ولەكسە جەممەن (مياسوكوستنايا مۋكا) قورەكتەندىرىلمەگەن» «بەلايا پتيسا» قۇس ونىمدەرىن پايدالانىپ كەلدى. الايدا، رف تاراپىنان تۋىنداعان زاڭدىق شەكتەۋلەرگە بايلانىستى «كفس» رەستوراندار جەلىسىنە تاسىمالداناتىن «بەلايا پتيسا» تاۋىق ونىمدەرىنىڭ كولەمى ازايعاندىقتان، «كفس» مەكەمەسى باسشىلىعى «بەلايا پتيسا» قۇس ونىمدەرىمەن قاتار، قمدب حالال ستاندارتى تالاپتارىنا سايكەس كەلمەيتىن باسقا دا بىرنەشە «قۇس فابريكالارىنىڭ» تاۋىق ونىمدەرىن قولدانىپ جاتىر.

قازىرگى تاڭدا «كفس» مەكەمەسى قولدانىپ جاتقان «بەلايا پتيسادان» باسقا  تاۋىق ونىمدەرى قمدب “حالال دامۋ" جشس-نىڭ  «مال باۋىزداۋ جانە ەت وڭدەۋ حالال ستاندارتى» 1:2016 جانە «حالال ونىمدەرىن تاسىمالداۋ مەن ساتۋعا، ساقتاۋعا، وڭدەۋگە، دايىنداۋعا، وندىرۋگە جالپى تالاپتار» 3: 2016 ستاندارتتارى تالاپتارىنا سايكەس كەلمەيدى.

سول سەبەپتى، قمدب «حالال دامۋ» ج ش س مەن «The Caspian International Restaurants Company» ج ش س اراسىنداعى كەلىسىمشارتتىڭ ۋاقىتشا توقتاعاندىعىن، «كفس» رەستوراندار جەلىسىنىڭ تاۋىق ونىمدەرى تولىعىمەن «قمدب حالال ستاندارت» تالاپتارىنا سايكەس كەلمەيىنشە، مەكەمەگە بەرىلگەن «قمدب حالال» سەرتيفيكاتى مەن «كفس» ونىمدەرىنىڭ سىرتقى قاپتامالارىنداعى «قمدب حالال» تاڭباسىنىڭ ءوز كۇشىن جويعاندىعىن حابارلايمىز.