قازاقستان مۇسىلماندارى ءدىني باسقارماسى اقتوبەدەگى مەشىتتە ەر ادامنىڭ قىز بالاعا ءبىر تۇندىك نەكە قيۋدى ۇسىنعان وقيعاعا بايلانىستى مالىمدەمە جاسادى.
ءمۇفتيات مەشىت – قۇلشىلىق پەن تاربيە ورداسى ەكەنىن اتاپ ءوتتى.
"وندا كەلگەن ءاربىر ازامات ءوزىن ادەپپەن، ىزەتپەن ۇستاۋعا مىندەتتى. يسلام شاريعاتىندا وزگەگە ءتىل تيگىزۋ، ورىنسىز ءسوز ايتۋ، اسىرەسە ايەل زاتىنا قولايسىز پىكىر ءبىلدىرۋ – مۇسىلمان ادەبىنە ساي كەلمەيتىن جانە ايىپتالاتىن ىس-ارەكەت. قازاقستان مۇسىلماندارى ءدىني باسقارماسى اقتوبەدەگى وقيعادا قىز بالاعا ورىنسىز ءسوز ايتقان ازاماتتىڭ ارەكەتىن ايىپتايدى. ويتكەنى مۇنداي ارەكەت مۇسىلماندىققا جات، ءارى ادامگەرشىلىك قاعيداتتارىنا دا ساي ەمەس"، دەلىنگەن قمدب-نىڭ رەسمي مالىمدەمەسىندە.
ايتا كەتەيىك، وقيعا 24 شىلدەدە اقتوبە قالاسىنداعى «نۇر عاسىر» مەشىتىندە بولعان. ەر ادام ناماز وقىپ شىعىپ كەلە جاتقان قىز بالاعا ادەپسىز سوزدەر ايتىپ، ءبىر تۇندىك نەكە قيۋدى ۇسىنعان.
29 شىلدەدە سوت ءوتىپ، ەر ادام بەس كۇنگە قاماۋعا الىنعان.
