شىمكەنت گارنيزونى اسكەري پروكۋرورىنىڭ جەتەكشىلىگىمەن قازاقستان رەسپۋبليكاسىنىڭ تاۋەلسىزدىك كۇنى مەرەكەسىنە ارنالعان شىمكەنت گارنيزونىنداعى اسكەري بولىمدەرگە بەكىتىلگەن  اسكەري-پاتريوتتىق كلۋبتار اراسىندا اسكەري تاقىرىبىندا بايقاۋ وتكىزىلدى.

ءىس-شاراعا شىمكەنت قالاسىنداعى س.راحىموۆ اتىنداعى رەسپۋبليكالىق اسكەري – مەكتەبى جانە قالا مەكتەپتەرىنەن قۇرالعان اسكەري-پاتريوتتىق كلۋبتاردىڭ ون بەس كومانداسى قاتىستى.

بايقاۋدىڭ باستى ماقساتى، وبلىستاعى جاس ارميالىق قوزعالىستى دامىتۋ، قازاقستان رەسپۋبليكاسى قارۋلى كۇشتەرىنىڭ ءيميدجىن كوتەرۋ جانە اسكەري قىزمەتتى كەڭىنەن ناسيحاتتاۋ بولىپ تابىلدى.

قازاقستان رەسپۋبليكاسى قارۋلى كۇشتەرى اۋە قورعانىسى كۇشتەرى اۋە شابۋىلىنا قارسى قورعانىس اسكەرلەرىنە قاراستى 10216 اسكەري ءبولىمىنىڭ «ەرجۇرەك» اسكەري-پاتريوتتىق كلۋبىنىڭ تاربيەلەنۋشىلەرى ءۇش كەزەڭنەن تۇرعان سايىستا وزا شاۋىپ، ءبىرىنشى ورىندى يەلەندى.

«ەرجۇرەك» كومانداسى ءبىرىنشى ورىندى الۋىنا 10216 اسكەري ءبولىمى ارداگەرلەر قوعامىنىڭ ءتوراعاسى زاپاستاعى مايور قانات تيمۋر ۇلى سماتوۆ جانە مايور ارداق ءجۇسىپ ۇلى جاپبارقۇلوۆ، مايور باتىرحان دۋيسەنوۆ سىندى وزىق تاجىريبەسى بار 10216 اسكەري ءبولىمى تاربيە جانە يدەولوگيالىق جۇمىستارى ءبولىمىنىڭ وفيسەرلەرى دايىندىق كەزەڭىندە وزدەرىنىڭ بىلىكتىلىگى مەن بىلىمدىلىگىن وقۋشىلارعا ۇيتەرۋىنىڭ ارقاسىندا بولىپ وتىر.

10216 اسكەري بولىمىنە بەكىتىلگەن ا.س.ماكارەنكو اتىنداعى № 41 مەكتەپ-ليسەيىنىڭ العاشقى اسكەري دايىندىق ءپانىنىڭ وقىتۋشىسى الديار ەراسىنۇلىمەن ءاردايىم جاستاردى اسكەري – پاتريوتتىق تاربيەلەۋ جۇيەسى جۇمىسىنىڭ تيىمدىلىگىن ارتتىرۋ، اسكەري-پاتريوتتىق كلۋبتاردىڭ قىزمەتىن نىعايتۋ بويىنشا بىرلەسىپ ءىس-شارالار اتقارىلىپ كەلۋدە.

بايقاۋ سوڭىندا، سايىستا جەڭىمپاز اتالعان كوماندارلارعا شىمكەنت گارنيزونى اسكەري پروكۋراتۋراسى باسشىلىعى اتىنان ماراپاتتاۋ قاعازىمەن جانە باعالى  سىيلىقتار تابىستادى.