قازىرگى كەزدە قالاداعى 57 بازاردىڭ 17ء-ى جاڭارتىلدى، جىل اياعىنا دەيىن تاعى التاۋى مودەرنيزاسيالانباق.
«ساۋدا الاڭدارىن لەگاليزاسيالاۋ جالعاسۋدا. جالعا الۋ مەرزىمىنىڭ اياقتالۋى سەبەپتى سەگىز بازار جۇمىسىن توقتاتادى، ال قالعان 26-ى 2020 جىلدىڭ سوڭىنا دەيىن مودەرنيزاسيالانادى. ياعني، ەشقانداي كونتەينەر الاڭدارى بولمايدى، كاسسا اپپاراتتارى جۇمىس ىستەيدى»، - دەپ مالىمدەدى الماتى قالاسىنىڭ اكىمى باۋىرجان بايبەك.
ايتا كەتسەك، قالادا پاتەرلەرىن جالعا بەرەتىن 2 مىڭنان استام سالىق تولەۋشى جەكە كاسىپكەر رەتىندە ەسەپكە الىندى. جالپى جەكە كاسىپكەر رەتىندە 18 مىڭنان استام جەكە تۇلعا تىركەلىپ، 8 مىڭنان استام جالدامالى جۇمىسشى زاڭداستىرىلدى.
