اسفەندياروۆ اتىنداعى قازاق ۇلتتىق مەديسينا ۋنيۆەرسيتەتىندە ەلىمىزدەگى ەڭ ءىرى جاتاقحانا اشىلدى.
«ستۋدەنتتەر ءۇيىنىڭ» لەنتاسىن ق ر دەنساۋلىق ساقتاۋ ءمينيسترى ەلجان ءبىرتانوۆ قيدى. 512 ستۋدەنتكە شاقتالعان زاماناۋي جاتاقحانا 9 قاباتتان تۇرادى. عيماراتتا تالىمگەرلەرگە جايلى جاعداي جاسالعان. 75 ورىندىق اسحانا، 30 ورىندى وقۋ زالى، جوعارى جىلدامدىقتاعى ينتەرنەت جەلىسى، دارىگەرلىك بەكەت تە بار.
«بۇل جاتاقحانا ەلباسىمىز نۇرسۇلتان ءابىش ۇلى نازاربايەۆ جاريالاعان «5 الەۋمەتتىك باستاما» باعدارلاماسى نەگىزىندە ىسكە قوسىلدى. تەك الماتىدا، تەك مەديسينا سالاسىندا عانا ەمەس، جوعارى ءبىلىم بەرۋ ۇيىمدارىنىڭ نەگىزىندە ستۋدەنتتەرگە وسىنداي جاعدايلار جاساۋ قولعا الىنۋدا. ءبىز ەلباسى جاريالاعان باعدارلامانى ىسكە اسىرۋ ءۇشىن بار كۇشىمىزدى سالامىز»، – دەدى ق ر دەنساۋلىق ساقتاۋ ءمينيسترى ەلجان ءبىرتانوۆ
