الماتىدا فۋتبول ارداگەرى ولەگ پەچەنيكتى ەسكە الۋعا ارنالعان بالالار اراسىنداعى فۋتبول ءتۋرنيرى ءوتتى. جارىستا جالپى الماتىلىق 8 كوماندا سايىسىپ، ءوزارا مىقتىنى انىقتادى. بۇل سپورت دوداسى وسىمەن ءۇشىنشى رەت وتكىزىلىپ وتىر. كەلەسى جىلدان باستاپ، جارىس رەسپۋبليكالىق دەڭگەيدە ۇيىمداستىرىلماق.
الادوپ باسكەسىنە قاتىسقان ورەندەر – رەسپۋبليكالىق جانە حالىقارالىق جارىستار دا توپ جارىپ جۇرگەن جەتكىنشەكتەر. بۇل جولى الماتىداعى ەڭ مىقتى دەگەن بالالار اراسىنداعى 8 كوماندا قاتىستى. قازاق فۋتبولىنىڭ ارداگەرى قۇرالبەك وردابايەۆ فۋتبول ارداگەرى ولەگ پەچەنيكتى ەسكە الۋعا ارنالعان اياقدوپشىلاردىڭ الامانىندا توپ جارعان جىگىتتەردىڭ بولاشاقتا ۇلتتىق قۇراما كومانداسىنا ىلىگەتىنىنىنە سەنىمدى.
«كەلەشەگى بار بۇل جاس فۋتبولشىلار ەرتەڭگى كۇنى وسى «قايرات» فۋتبول كلۋبى نەمەسە باسقا فۋتبول كلۋبتارىنىڭ جاقسى ويىنشىسى بولادى دەپ ەسەپتەيمىن. مۇمكىن، وسىلاردىڭ ىشىنەن 4-5ء-ۋى ۇلتتىق كومانداعا وينايتىن بولسا، نۇر ۇستىنە نۇر ۇستىنە نۇر بولادى»، – دەيدى قازاق فۋتبولىنىڭ ارداگەرى قۇرالبەك وردابايەۆ.
جارىس قورىتىندىسى بويىنشا «قايرات-1» فۋتبول كومانداسى باس جۇلدەنى يەلەنسە، كۇمىس مەدال «ستس» توبىنىڭ ويىنشىلارىنا بۇيىردى. ال قولا Jeyran-نىڭ ەنشىسىندە.
جارىس دەڭگەيى جىلدان جىلعا جوعارىلاپ كەلەدى دەيدى ۇيىمداستىرۋشىلار. ويتكەنى، باسەكەلەستىك بار جەردە دودانىڭ قىزا تۇسەنى جاسىرىن ەمەس ەكەنىن العا تارتادى. كۋبوكقا قول جەتكىزگىسى كەلگەن كوماندالاردىڭ ءوزارا قىزۋ ويىنىنا ارداگەر فۋتبوليست ولەگ پەچەنيكتىڭ تۋعان-تۋىستارى ۇيىتقى بولدى.
«ولەگتىڭ 2-3 سىنىپتان باستاپ فۋتبولعا قىزىعۋشىلىعى بولدى. العاشقى جاتتىقتىرۋشىسى ۆيكتور كاتكوۆ. ول كوپتەگەن كوماندالاردا وينادى. جاقسى جەتىستىكتەرگە قول جەتكىزدى. اۋلالاردا بالالار ءۇشىن تەگىن شەبەرلىك ساباقتارىن وتكىزەتىن. جوعارى وقۋ ورنىندا وقىپ جۇرگەندە «مەن ستاديون ديرەكتورى بولامىن» دەپ ايتاتىن. ۋاقىت وتە سول ارمانىنا جەتتى»، – دەپ ەسكە الادى ولەگ پەچەنيكتىڭ اناسى گالينا پەچەنيك.
«ولەگ پەچەنيك قازاق فۋتبولىنا كوپ ەڭبەك ءسىڭىردى. فۋتبولشى رەتىندە بارلىق كەزەڭنەن ءوتتى. شەبەرلەر كومانداسىندا قازىرگى وتاندىق فۋتبول ينفراقۇرىلىمىن دامىتۋعا ۇلكەن ۇلەس قوستى. ەل فۋتبولىنىڭ ەرتەڭى جارقىن بولسىن دەسەك، بالالار اراسىندا وسىنداي جارىستاردى كوپتەپ ۇيىمداستىرۋىمىز كەرەك»، – دەدى كسرو سپورت شەبەرى ۆيكتور كاتكوۆ.
قوعام قايراتكەرى، قازاق فۋتبولىنىڭ ارداگەرى ولەگ پەچەنيكتى ەسكە الۋعا ارنالعان تۋرنير قالالىق اۋقىمدا وسىمەن ءۇشىنشى رەت ۇيىمداستىرىلدى. باستاماشىلدار، ەندى كەلەسى جىلدان باستاپ ونى رەسپۋبليكالىق دەڭگەيدە وتكىزۋدى كوزدەپ وتىر.
