قازاقستاندىق مەكتەپ ءبىتىرۋشى تۇلەكتەر ەندىگىدە ۇلتتىق ءبىرىڭعاي تەستىلەۋدەن مەرزىمىنەن بۇرىن تاپسىرا الادى. تەستىلەۋ كەلەر جىلدىڭ قاڭتار ايىنان باستالادى، ال مەكتەپ ءبىتىرۋشى تۇلەكتەر مەن تالاپكەرلەر تەستىلەۋگە قۇجاتتارىن 15 جەلتوقسانعا دەيىن وتكىزىپ ۇلگەرۋى قاجەت. الايدا، الدىن الا ۇلتتىق ءبىرىڭعاي تەستىلەۋدەن وتكەن تالاپكەرلەر جوعارى وقۋ ورىندارىنىڭ تەك اقىلى بولىمىنە عانا وقۋعا تۇسە الادى ەكەن.

بولاشاقتا جاقسى مامان يەسى بولىپ، ول ءۇشىن جوعارى وقۋ ورنىنىڭ اقىسىز بولىمىنە، ياعني گرانتقا ءتۇسۋدى قالاعان تۇلەكتەر ءار جىلدىڭ ماۋسىم ايىندا وتكىزىلەتىن نەگىزگى ۇلتتىق ءبىرىڭعاي تەستىلەۋگە قاتىسۋلارى مىندەتتى. ۇبت-نى الدىن-الا تاپسىرۋ قۇقىعىنا 11 جانە 12 سىنىپ وقۋشىلارى، سونىمەن قاتار، ەلىمىزدىڭ قانداي دا ءبىر جوعارى وقۋ ورنىنا ءتۇسىپ، العاشقى سەمەستردى اياقتاعان، الايدا ەمتيحانداردان جەتكىلىكتى بالل جيناي الماي قالعان ستۋدەنتتەر يە. قاڭتار ايىندا ونداي ستۋدەنتتەر جوعارى وقۋ ورنىنا ءتۇسۋ ءۇشىن قايتا تاپسىرادى. وقۋعا تۇسكەن ستۋدەنت قايتادان جەتكىلىكتى بالل جيناي الماي قالعان جاعدايدا، ول اۆتوماتتى تۇردە وقۋدان شىعارىلادى.

ايتا كەتەيىك، قاڭتار ايىندا ۇلتتىق ءبىرىڭعاي تەستىلەۋدەن الدىن الا ءوتى اقىلى تۇردە جۇزەگە اسىرىلادى، ونى تاپسىرۋ ءۇشىن 2242 تەڭگە تولەۋ مىندەتتى.