قازاننىڭ باسىندا ەلباسى نۇرسۇلتان نازاربايەۆتىڭ حالىققا جولداۋىندا ايتىلعان مىندەتتەر مەن تاپسىرمالار رەسپۋبليكانىڭ ەكونوميكاعا باسەكەلەستىگىن ارتتىرادى. سەۋلدە وتكەن حالىقارالىق تەحنولوگيالىق فورۋمنىڭ قاتىسۋشىلارى ءدال وسىنداي بولجامعا كەلگەن.

قازاقستان رەسپۋبليكاسىنىڭ كورەياداعى ەلشىلىگىنىڭ ارنايى كەڭەسشىسى ولجاس رايەۆ ءوز سوزىندە ەلدەگى عىلىمي زەرتتەۋلەر مەن ازىرلەمەلەردىڭ دامۋى جونىندە باياندادى. يۋنەسكو دەرەگىنە سايكەس، قازاقستاندا ءدال وسى ماقساتقا جالپى ىشكى ونىمنەن 0،2 پايىز شىعىن جۇمسالعان. الايدا بۇل جاعدايدى پرەزيدەنتتىڭ حالىققا جولداۋىندا ايتقان تاپسىرمالارى تۇبەگەيلى وزگەرتتى. بەس جىل ىشىندە ءبىلىم-عىلىمعا، دەنساۋلىق ساقتاۋ سالاسىنا بولىنگەن شىعىننىڭ كولەمى جالپى ىشكى ونىمنەن 10 پايىزعا دەيىن جەتپەك.

فورۋم بارىسىندا كورەيا عىلىم جانە تەحنولوگيالىق ينستيتۋتىنىڭ پرەزيدەنتى قازاقستانعا عىلىمي-تەحنيكالىق اقپاراتتىڭ ۇلتتىق جۇيەسىن قالىپتاستىرۋ جونىندە ەرەكشە ۇسىنىس جاسادى.  ەگەر ەلىمىز ۇسىنىستى قابىلداسا،  شىعىن كولەمى جالپى ىشكى ونىمنەن 4،3 پايىزعا دەيىن جەتەدى.

وسى ورايدا قر-نىڭ كورەياداعى ەلشىلىگىنىڭ ارنايى كەڭەسشىسى ولجاس رايەۆ الداعى جاڭا جوسپارلار جايىن باياندادى:

«بىزدە جۇزەگە اسىرۋىمىز ءتيىس جاڭا جوسپار بار. جۋىردا عانا قازاقستان رەسپۋبليكاسىنىڭ پرەزيدەنتى نۇرسۇلتان نازاربايەۆ حالىققا جولداۋىندا ۇكىمەتكە ءبىلىم، عىلىم جانە دەنساۋلىق سالاسى ءۇشىن شىعىندى جىو-دەن 10 پايىزعا دەيىن كوتەرۋدى تاپسىردى»، - دەدى قازاقستان وكىلى سەۋلدەگى فورۋمدا.

ءوز كەزەگىندە كورەيا عىلىم جانە تەحنولوگيالىق اقپارات ينستيتۋتىنىڭ پرەزيدەنتى چوي حي يۋن قازاقستانمەن سەرىكتەستىك ماسەلەسىن ءسوز ەتتى.

«جىل سايىن ءبىزدىڭ ينستيتۋت كورەيادا دا، شەتەلدە دە عىلىمي زەرتتەۋلەردىڭ جاعدايىن تالقىلاۋ ءۇشىن ءتۇرلى كەلىسسوزدەر مەن پرەزەنتاسيالار وتكىزىپ تۇرادى. بۇل جولعى مۇمكىندىكتى كوستا-ريكادا پايدالاندىق، وسى ورايدا قازاقستانمەن سەرىكتەستىگىمىزدى نىعايتامىز دەگەن مول سەنىمدەمىن»، - دەدى چوي حي يۋن.