ادەتتە زاڭدار ادامداردىڭ ءومىرىن رەتتەۋ ءۇشىن، بەلگىلى ءبىر ءتارتىپ ورناتۋ ءۇشىن جازىلادى. الايدا الەمدەگى زاڭداردىڭ ىشىندە كۇلكىلى ءارى اقىلعا قونىمسىز زاڭدار دا بار. Qamshy.kz اقپارات اگەنتتىگى الەمدەگى اقىلعا قونىمسىز 10 زاڭدى وقىرمان نازارىنا ۇسىنادى.

قارمەن ويناۋعا تىيىم سالىنعان

اريزون شتاتى مەن توپيكا قالاسىندا قارمەن ويناۋعا قاتاڭ تىيىم سالىنعان. بيلىك وكىلدەرى بۇل اگرەسسيۆتى ءارى ءقاۋىپتى ويىن دەپ ەسەپتەيدى. سول سەبەپتى قار جاۋعان كۇندەرى كوشەدە پوليسيا قىزمەتكەرلەرى قاپتاپ كەتەدى. ولار زاڭ بۇزعاندارعا ايىپپۇل تولەتكىزىپ، ەسكەرتۋ جاسايدى.

Netflixء-تىڭ قۇپيا ءسوزىن ايتۋعا بولمايدى

2011 جىلى تەننەسي شتاتىنىڭ گۋبەرناتورى Netflixء-تىڭ قۇپيا ءسوزىن تۋعان-تۋىستان باسقا ادامدارعا بەرۋگە تىيىم سالىپ، زاڭ جۇزىندە بەكىتتى. سونداي-اق بۇل زاڭدى بۇزۋ ۇرلىق جاساۋمەن تەڭ دەپ ەسەپتەلەدى.
Netflix — قىزىقتى فيلمدەردى ءتۇسىرىپ، كەيىن جەلىگە جۇكتەيتىن الەمدەگى ءىرى كومپانيالاردىڭ ءبىرى. كومپانيانىڭ باستى ەرەكشەلىگى جانە ءوز كورەرمەندەرىنە دەگەن تاعى ءبىر تارتىمدى قىزمەتى — پرەمەرا كۇنىندە بارلىق سەريانى جەلىگە بىردەن سالۋى.

Netflix — قىزىقتى فيلمدەردى ءتۇسىرىپ، كەيىن جەلىگە جۇكتەيتىن الەمدەگى ءىرى كومپانيالاردىڭ ءبىرى. كومپانيانىڭ باستى ەرەكشەلىگى جانە ءوز كورەرمەندەرىنە دەگەن تاعى ءبىر تارتىمدى قىزمەتى —  پرەمەرا كۇنىندە بارلىق سەريانى جەلىگە بىردەن سالۋى.

قار ادامىن اتپاڭىز!

ۆاشينگتون شتاتىنداعى سكايمەنيا اۋدانىندا قار ادامىن اتۋ بىلاي تۇرسىن، وعان قارۋ كەزەنۋدىڭ ءوزى قىلمىس بولىپ سانالادى. اقش ەلىندە قار ادامىن كەزدەستىرسەڭىز، قاشىڭىز، ءبىراق وق اتپاڭىز.

جاڭبىر سۋىن پايدالانۋ — قىلمىس

اقش-تىڭ كەيبىر شتاتتارىندا جاڭبىر سۋىن جيناۋ زاڭسىز ارەكەت بولىپ سانالادى. يۋتا، كولورادو جانە ۆاشينگتون شتاتىندا تۇرمىستا قولدانۋ ءۇشىن جاڭبىر سۋىن پايدالانۋعا قاتاڭ تىيىم سالىنعان. بيلىكتىڭ ايتۋى بويىنشا، جاڭبىر بىرەۋگە تيەسىلى، ال جاڭبىر سۋىن جيناۋ ۇرلىققا پارا-پار.

تۇزدالعان جانە مارينادتالعان قيارلاردى ساتۋعا شەكتەۋ قويىلعان

كاننەكتيكۋتە شتاتىندا تۇزدالعان جانە مارينادتالعان قيارلاردى ساتۋعا شەكتەۋ قويىلعان. ءتىپتى، ساۋدا-ورىندارىندا ارنايى قيارلاردى تەكسەرەتىن ماماندار دا بار ەكەن.

التىن بالىقتى اكۆاريۋيمدە ۇستاۋعا تىيىم سالىنادى

2004 جىلى يتالياداعى مونزا قالاسىندا التىن بالىقتى اكۆاريۋمدە ۇستاۋعا تىيىم سالىنعان. بيلىكتىڭ سوزىنە سۇيەنسەك، اكۆاريۋمدەگى بالىقتار الەمدەگى جايتتاردان حابارسىز بولىپ وقشاۋلانادى.

بالالارعا ءمان-ماعىناسىز ەسىم قويۋعا شەكتەۋ قويىلعان

دانيا بيلىگى ات قويۋعا قاتاڭ ءمان بەرىپ وتىر. بالاعا ەرەكشە، كۇلكىلى جانە ءدىني ەسىمدەردى قويۋعا تىيىم سالعان. ءتىپتى اتا-انالارعا قيىندىق تۋدىرماس ءۇشىن بيلىك رۇقسات ەتىلگەن 7000 ەسىمنىڭ ءتىزىمىن جاساعان.

بيىك وكشەلى اياق كيىمگە شەكتەۋ قويىلعان

كاليفورنيا شتاتىنىڭ كارمەل قالاسىندا ايەلدەرگە بيىك وكشەلى اياق كيىمدەر كيۋگە بولمايدى. تەك 5 سم-دەن اسپايتىن اياق كيىمدەر كيۋگە رۇقسات ەتىلگەن.

ۇساق تيىن بەرمەڭىز!

كانادادا قايتارىم اقشانى ۇساقتاپ بەرۋگە تىيىم سالىنعان. سونىمەن بىرگە تيىنداردى قايتا جاساپ قالپىنا كەلتىرگەن ادامدار مەملەكەت تاراپىنان قاتاڭ جازالانادى.

سەمىز بيزنەسمەندەر جازالانادى

جاپونيادا ارتىق سالماق ۇلكەن پروبلەماعا اينالىپ بارادى. وسىعان قاتىستى 2008 جىلى زاڭ قابىلداندى. بارلىق كومپانيالار جىل سايىن قىزمەتكەرلەرىنىڭ دەنە ءبىتىمىن قاداعالاپ وتىرۋى ءتيىس. سونىمەن بىرگە سەمىز بيزنەسمەندەر جازالانادى.