اعىمداعى جىلدىڭ 4 قازانىندا قوجا احمەت ياسساۋي اتىنداعى قازاق-تۇرىك ۋنيۆەرسيتەتىنىڭ پرەزيدەنت-رەكتورى ابدراسيلوۆ ب.س. مەن كەنتاۋ قالاسىنداعى ترانسفورماتور زاۋىتىنىڭ ديرەكتورى قوجابايەۆ س.ي. ءوزارا ىنتىماقتاستىق تۋرالى مەموراندۋمعا قول قويعان بولاتىن.
اتالمىش قۇجاتقا سايكەس، تەحنيكا جانە ءتۇرلى عىلىم سالاسىنداعى ءبىرشاما جوسپارلاردى بىرلەسى جۇزەگە اسىرۋ تۋرالى كەلىسىمگە قول جەتكىزىلدى. سونداي جوبالاردىڭ ءبىرى، ءارى بىرەگەيى – قوجا احمەت ياسساۋي اتىنداعى قازاق-تۇرىك ۋنيۆەرسيتەتىنىڭ ستۋدەنتتەرىن كەنتاۋ قالاسىنداعى ترانسفورماتور زاۋىتى بازاسىندا دۋالدى وقىتۋ باعدارلاماسىن جۇزەگە اسىرۋ بولىپ تابىلادى. بۇل جوبا مەملەكەت باسشىسىنىڭ ءبىلىم بەرۋ مەن ناقتى ەكونوميكانى بىرىكتىرۋ يدەياسىن پراكتيكالىق تۇرعىدان ىسكە اسىرۋدى كوزدەيدى. اتالمىش باعدارلاما ينجەنەريا، مەملەكەتتىك باسقارۋ مەن ەكونوميكا جوعارى مەكتەبى فاكۋلتەتتەرىندەگى 8 ماماندىقتى قامتيدى. وسى جوبا اياسىندا ستۋدەنتتەر تەوريالىق ءبىلىمدى ۋنيۆەرسيتەت قابىرعاسىندا الاتىن بولسا، پراكتيكالىق ساباقتار كەنتاۋ قالاسىنداعى ترانسفورماتور زاۋىتىندا، لابوراتوريادا جانە سەحتەردە ۇيرەنەتىن بولادى.
يننوۆاسيالىق وقۋ باعدارلاماسى اياسىندا جوعارىدا اتاپ وتكەن ەكى فاكۋلتەتتىڭ ستۋدەنتتەرى تەوريانى اپتانىڭ ءۇش كۇنىندە وتسە، زاۋىتتا ەكى كۇن پراكتيكالىق ساباقتار وتەدى. ونى ستۋدەنتتەرگە ۋنيۆەرستيتەتتىڭ پروفەسسورلارى، زاۋىتتىڭ مەنەدجەرلەرى مەن ءوز ءىسىنىڭ ماماندارى وتكىزەتىن بولادى، وندا ستۋدەنتتەر ءوز ماماندىقتارى بويىنشا پراكتيكالىق داعىلارعا يە بولادى.
