مەملەكەتتىك قىزمەت ىستەرى دەپارتامەنتىمەن ۆەدومستۆوارالىق جۇمىس توبىنىڭ الاڭىندا ءار ازاماتقا مەملەكەتتىك قىزمەت كورسەتۋ سالاسىنداعى ماسەلەلەردى تەز شەشۋگە، مەملەكەتتىك ورگانداردىڭ قىزمەتكەرلەرىن باعالاۋ جانە ەتيكالىق نورمالاردىڭ ساقتالۋىن باعالاۋعا ارنالعان "Digital Agent" جاڭا قوسىمشاسى ۇسىنىلدى.

وتكىزىلگەن وتىرىستا باسقا دا مەملەكەتتىك قىزمەتتى كورسەتەتىن مەملەكەتتىك ورگانداردىڭ وزەكتى سۇراقتارى قاراستىرىلدى، اتاپ ايتقاندا مەملەكەتتىك كورسەتىلەتىن قىزمەتتەردىڭ مەرزىمىنىڭ بۇزىلۋ نەگىزدەرى. 2018 جىلى مەملەكەتتىك كورسەتىلەتىن قىزمەتتەردىڭ مەرزىمىنىڭ بۇزىلۋىنىڭ 1،3% مەملەكەتتىك قىزمەتتەردىڭ ستاندارتتارى مەن رەگلامەنتتەرىنىڭ سايكەسسىزدىگى، ءپروفيلدى زاڭنامالارداعى كولليزيالار، تەحنيكالىق ماسەلەلەرى مەملەكەتتىك قىزمەتتەردى ۋاقىتىلى كورسەتىلۋىنە كەدەرگى كەلتىردى.

جۇمىستان تىس ۋاقىتتا ەلەكتروندى فورماتتا قىزمەت كورسەتۋ ماسەلەسى دە قارالدى. ازاماتتار وزدەرىنە ىڭعايلى كەز كەلگەن ۋاقىتتا مەملەكەتتىك قىزمەت الۋعا ەلەكتروندى تۇردە ءوتىنىش تاپسىرا الادى. الايدا، نورماتيۆتىك اكتىلەرمەن بەكىتىلگەن مەملەكەتتىك قىزمەتتەر كورسەتۋ ءتارتىبى وزگەشە باعىتتالعان. سوندىقتان، وسىنداي مەملەكەتتىك قىزمەتتەر كورسەتۋ ءتارتىبىن رەتتەيتىن نورماتيۆتىك اكتىلەرگە وزگەرىستەر مەن تولىقتىرۋلاردى تالاپ ەتەدى.

جۇمىسشى توپ وتىرىسىندا مەملەكەتتىك قىزمەتتەردىڭ تاجىريبەدەگى ناقتى بيزنەس-پروسەستەرى زەرتتەلگەن «جاسىرىن ساتىپ الۋشى» جوباسى اياسىندا قوعام وكىلدەرىمەن جۇرگىزىلگەن شارالاردىڭ ناتيجەسى قورىتىندىلاندى. اعىمداعى جىل بويى قوعامدىق بىرلەستىكتەرمەن 105 باقىلاۋ جۇرگىزىلىپ، ناتيجەسىندە 129 زاڭ بۇزۋشىلىقتار انىقتالىپ، مەملەكەتتىك ورگانداردىڭ 38 قىزمەتكەرلەرى جاۋاپكەرشىلىككە تارتىلدى. الدىن الۋ ماقساتىندا دەپارتامەنتپەن مەملەكەتتىك قىزمەت كورسەتۋشىلەرگە ءتيىستى ۇسىنىستار جولداندى.

2018 جىلدا اتقارىلعان جۇمىستاردىڭ قورىتىندى بويىنشا ۆەدومستۆوارالىق جۇمىسشى توبىنىڭ بەلسەندى مۇشەلەرىنە مەملەكەتتىك قىزمەت كورسەتۋ ساپاسىن ارتتىرۋ جانە تۇرمىستىق جەمقورلىقتى جويۋ بويىنشا اتقارعان جۇمىستارى ءۇشىن العىس جاريىيالاندى.