بۇگىن ق ر پرەزيدەنتى اكىمشىلىگىنىڭ باسشىسى اسەت يسەكەشيەۆ ەلىمىزدىڭ سىرتقى ىستەر مينيسترلىگى ۇجىمىنا ۆەدومستۆونىڭ جاڭا باسشىسىن تانىستىردى. بۇل لاۋازىمدى قىزمەتكە بەيبىت باكىر ۇلى اتامقۇلوۆ كەلدى، دەپ حابارلايدى Qamshy.kz اقپارات اگەنتتىگى قازاقپاراتقا سىلتەمە جاساپ.

«بەيبىت باكىر ۇلى اتامقۇلوۆ ق ر سىرتقى ىستەر ءمينيسترى بولىپ تاعايىندالسىن»، - دەلىنگەن اسەت يسەكەشيەۆ جاريا ەتكەن ەلباسىنىڭ جارلىعىندا.

وسىدان كەيىن ءسوز العان قايرات ءابدىراحمانوۆ ق ر سىرتقى ىستەر مينيسترلىگىنە ۇدايى قامقورلىق كورسەتىپ كەلە جاتقان مەملەكەت باسشىسىنا ريزاشىلىعىن ءبىلدىردى.

«ەلباسىنىڭ ارقاسىندا وسى كۇندەرى ءبىزدىڭ مەملەكەتىمىز تاريحي ولشەمدە جانە تاريحي تۇرعىدان العاندا وتە قىسقا مەرزىمدە حالىقارالىق ارەنادا دا ەلەۋلى ناتيجەگە جەتىپ وتىر»، - دەپ اتاپ وتكەن ول ورنىنا كەلگەن بەيبىت باكىرۇلىنا الداعى جۇمىستارىنا تابىس تىلەدى.

بەيبىت باكىر ۇلى 1964 جىلى تۋعان. قازاق پوليتەحنيكالىق ينستيتۋتىن، سانكت-پەتەربور مەملەكەتتىك ەكونوميكا جانە قارجى ۋنيۆەرسيتەتىن بىتىرگەن. ەكونوميكا عىلىمدارىنىڭ كانديداتى. 

ەڭبەك جولىن نوريلسك تاۋ-كەن مەتاللۋرگيا كومبيناتىنىڭ مىس قورىتاتىن زاۋىتىندا بالقىتۋشى بولىپ باستادى، 1985-1991 جىلدارى شىمكەنت قورعاسىن زاۋىتىندا مەتالل بالقىتۋشى، اۋىسىم شەبەرى، ينجەنەر-تەحنولوگ، جەتەكشى ينجەنەر بولىپ جۇمىس ىستەدى.

1991-2006 جىلدار ارالىعىندا كوممەرسيالىق قۇرىلىمداردا باسشىلىق قىزمەتتەر اتقاردى.

2006-2012 جىلدارى ديپلوماتيالىق قىزمەتتە بولدى. قازاقستان رەسپۋبليكاسىنىڭ مالايزياداعى توتەنشە جانە وكىلەتتى ەلشىسى، قازاقستان رەسپۋبليكاسىنىڭ يندونەزيا رەسپۋبليكاسىنداعى، برۋنەي-دارۋسسالامداعى، فيليپپين رەسپۋبليكاسىنداعى توتەنشە جانە وكىلەتتى ەلشىسى مىندەتىن قوسا اتقارۋشى بولىپ تاعايىندالعان.

2012 جىلعى قازاننان قازاقستان رەسپۋبليكاسى يندۋستريا جانە جاڭا تەحنولوگيالار مينيسترلىگىنىڭ جاۋاپتى حاتشىسى، 2014 جىلعى تامىزدان قازاقستان رەسپۋبليكاسى ينۆەستيسيالار جانە دامۋ مينيسترلىگىنىڭ جاۋاپتى حاتشىسى بولعان.

وڭتۇستىك قازاقستان وبلىسىنىڭ اكىمى، قازاقستان رەسپۋبليكاسىنىڭ قورعانىس جانە اەروعارىش ونەركاسىبى ءمينيسترى بولعان.

ايتا كەتەيىك، مەملەكەت باسشىسىنىڭ جارلىعىمەن قايرات قۇدايبەرگەن ۇلى ءابدىراحمانوۆ باسقا جۇمىسقا اۋىسۋىنا بايلانىستى قازاقستان رەسپۋبليكاسىنىڭ سىرتقى ىستەر ءمينيسترى قىزمەتىنەن بوساتىلدى.