وبلىس اكىمىنىڭ ورىنباسارى ولجاس سماعۇلوۆتىڭ توراعالىعىمەن الەۋمەتتىك سەرىكتەستىك جانە الەۋمەتتىك-ەڭبەك قاتىناستارىن رەتتەۋ تۋرالى وبلىستىق ءۇشجاقتى كوميسسيا وتىرىسى ءوتتى.

الەۋمەتتىك ارىپتەستىك جونىندەگى وبلىستىق ءۇشجاقتى كوميسسيا مۇشەلەرى بيزنەستىڭ الەۋمەتتىك جاۋاپكەرشىلىگى جونىندەگى «پارىز-2018» كونكۋرسىنىڭ قورىتىندىلارىن، الەۋمەتتىك ارىپتەستىك پەن الەۋمەتتىك-ەڭبەك قاتىناستارىن رەتتەۋ جونىندەگى الداعى جىلعا جۇمىس جوسپارىنىڭ جوباسىن قارادى.

بۇدان باسقا، قازاقستان رەسپۋبليكاسىنىڭ ەڭبەك جانە حالىقتى الەۋمەتتىك قورعاۋ ءمينيسترى ءمادينا ءابىلقاسىموۆانىڭ اتىنان كونكۋرستىڭ لاۋرەاتتارى مەن قاتىسۋشىلارى — «اقتوبە جەو» اق، «ازحس» اق، «قازاق ويل اقتوبە» ج ش س، «سنپس- اقتوبەمۇنايگاز» اق، «ۆوسحود-وگىەى» ج ش س، «ساعىز پەترولەۋم» ج ش س ۇجىمدارىنا «پارىز-2018» كونكۋرسىنىڭ ديپلومدارىن تابىس ەتتى. ولار كورپوراتيۆتىك الەۋمەتتىك جانە ەكولوگيالىق جاۋاپكەرشىلىك پرينسيپتەرىن ىسكە اسىرۋدا جوعارى ناتيجەلەرگە قول جەتكىزدى، مۇمكىندىگى شەكتەۋلى ادامدارعا قاتىستى ۇنەمى وزدەرىنىڭ الەۋمەتتىك جاۋاپكەرشىلىگىن جۇزەگە اسىرىپ، حالىقتىڭ الەۋمەتتىك جاعىنان وسال توپتارىنا قامقورلىق پەن قايىرىمدىلىق، دەمەۋشىلىك جانە كومەك كورسەتەدى.

2018 جىلى «پارىز» بيزنەستىڭ الەۋمەتتىك جاۋاپكەرشىلىگى رەسپۋبليكالىق بايقاۋىنا اقتوبە وبلىسىنان 55 كاسىپورىن سۋبەكتىلەرى قاتىستى. ولاردىڭ قاتارىندا ءىرى، ورتا جانە شاعىن كاسىپكەرلىك سۋبەكتىلەرى، تاۋ-كەن ءوندىرۋ، تاۋ-كەن مەتاللۋرگيا سالاسى، قۇرىلىس ماتەريالدارىن ءوندىرۋ، حيميا ونەركاسىبى، مناي-گاز سەكتورى، ەنەرگيامەن جابدىقتاۋ، قۇرىلىس، اۋىل شارۋاشىلىعى سالالارى دا بار. بيىلعى جەلتوقساندا مەملەكەت باسشىسىنىڭ قاتىسۋىمەن جوبالاردى تانىستىرۋ جونىندەگى جالپىۇلتتىق تەلەكوپىر وتكىزۋ اياسىندا «التىن ساپا» جانە «پارىز» سىيلىقتارىنىڭ لاۋرەاتتارىن ماراپاتتاۋ ءراسىمى وتكەنى بەلگىلى. وندا «ۇزدىك ۇجىمدىق شارت» نوميناسياسىندا ءىرى كاسىپورىندار سۋبەكتىلەرى اراسىنان «قازحروم» تۇك» اق ءبىرىنشى ورىن، ءىرى كاسىپكەرلىك سۋبەكتىلەرىنەن «ەكولوگياعا قوسقان ۇلەسى ءۇشىن» نوميناسياسىندا «سويۋز گراند» ءجىىىس ەكىنشى ورىن، جانە «ەڭبەكتى قورعاۋ سالاسىنداعى ۇزدىك كاسىپورىن» نوميناسياسىندا ورتا كاسىپكەرلىك سۋبەكتىلەرى اراسىنان «ەكوتون-باتىس» ج ش س ءۇشىنشى ورىن الدى. الەۋمەتتىك ارىپتەستىك پەن الەۋمەتتىك جانە ەڭبەك قاتىناستارىن رەتتەۋ جونىندەگى وبلىستىق ءۇشجاقتى كوميسسيا مۇشەلەرى 2019 جىلعا ارنالعان جۇمىس جوسپارىن بەكىتتى.