وبلىس اكىمى بەردىبەك ساپاربايەۆ «IT Space» كومپانياسىنىڭ پرەزيدەنتى قانىش تولەۋشينمەن كەزدەستى

كەزدەسۋ كەزىندە ءوڭىر باسشىسىنا بارلىق كوممۋنالدى قىزمەتتەردىڭ «109» جانە بارلىق شۇعىل ارەكەت ەتۋ قىزمەتتەرىنىڭ «112» نومىرلەرى بويىنشا اۆتوماتتاندىرىلعان اقپاراتتىق جۇيەسى تانىستىرىلدى.

اتالمىش جۇيەنى ازىرلەۋشىلەردىڭ مالىمەتتەرى بويىنشا ءبىرىڭعاي ديسپەچەرلىكتى ەنگىزۋدىڭ باستى ەرەكشەلىگى سول — تۇرعىنداردىڭ شۇعىل قىزمەتتەرگە قول جەتكىزۋى ايتارلىقتاي جەڭىلدەيتىن بولادى. ويتكەنى قىزمەتتەردى تاڭداۋ جانە ولاردىڭ ارەكەت ەتۋى ءۇشىن جاۋاپتىلاردى حاباردار ەتۋ مىندەتى قوڭىراۋدى ناقتى جىكتەۋ مەن تاپسىرمانى بەيىندى قىزمەتتەرگە بەرۋ جۇمىستارى وپەراتورلارعا جۇكتەلەدى. بۇدان باسقا، ادامداردىڭ كەز كەلگەن جۇگىنۋى جۇيەدە تىركەلىپ، ونى نازارسىز قالدىرۋعا مۇمكىندىك بەرمەيدى.

كەزدەسۋ قورىتىندىسىندا وبلىس باسشىسى جاۋاپتى مەملەكەتتىك ورگاندارعا اتالعان جوبانى مۇقيات زەرتتەپ، ءتيىستى ۇسىنىستار ەنگىزۋدى تاپسىردى.