مەملەكەت باسشىسى ن.نازاربايەۆتىڭ "بولاشاققا باعدار: رۋحاني جاڭعىرۋ" باعدارلامالىق ماقالاسى اياسىندا قولعاالىنعان "قازاقستاننىڭ 100 جاڭا ەسىمى" جوباسىنىڭ جەڭىمپازى، ءبىلىم بەرۋ سالاسىنىڭ ۇزدىگى، عالىم، دوكتورانت قۋانىش جۇمابەك 2018 جىلدىڭ 18 جەلتوقسانىنداتۇركيا رەسپۋبليكاسى ومەر حاليسدەمير ۋنيۆەرسيتەتىندە ەلباسىنىڭ "ۇلى دالانىڭ جەتى قىرى" ماقالاسىنا ارنالعان باسقوسۋ وتكىزدى. باس بايانداماشى ق.جۇمابەك ءوز سوزىندە تاعىلىمى مول ماقالادا ايتىلعان اۋقىمدى جوبالار مەن ۇلى دالانىڭ جەتى قىرىن كەڭىنەن تانىستىردى. ءوز تاريحىمىزدى جۇيەلەپ قايتا زەرتتەۋدىڭ جانە قازاقستان جەرىنىڭ الەمدىك وركەنيەتتەگى ورنىن كورسەتۋدىڭ ءساتى كەلگەنىن اتاپ ءوتتى. سونىمەن قاتار ۇلى دالانىڭ بۇكىل تۇركى حالىقتارىنىڭ كيەلى «قارا شاڭىراعى» ەكەنىن دە باسا ايتى.

ءىس-شاراعا نييدە قالاسى اكىمى مەن 200-گە جۋىق ستۋدەنتتەر، وقىتۋشىلار قاتىستى. اتالمىش ۋنيۆەرسيتەتتىڭ قازىرگى تۇركى تىلدەرى مەن ادەبيەتتەرى ءبولىمىنىڭ باسشىسى، فيلولوگيا عىلىمدارىنىڭ دوكتورى، پروفەسسور حيكمەت كوراش مودەراتور بولسا، انكارا حادجى بايرام ۆەلي ۋنيۆەرسيتەتى دوكتورانتى تۋرگاي دۇيەن قازاقستاننىڭ تاۋەلسىزدىگى جايلى ءسوز سويلەپ، ماقالادا كورسەتىلگەن تاريحي سانانى جاڭعىرتۋعا باعىتتالعان ۇسىنىستاردى قولدايتىنىن جەتكىزدى.  ق.جۇمابەككە زور دەنساۋلىق، شىعارماشىلىق تابىس تىلەيمىز!