11 قاڭتار، جۇما كۇنى پالاتا وكىلدەرىنىڭ مۇشەسى تۋلسي گاببارد 2020 جىلى اقش پرەزيدەنتتىگىنە ءوزىن ۇمىتكەر ەتىپ ۇسىندى.

«مەن سايلاۋعا تۇسەمىن دەپ شەشتىم، كەلەسى اپتادا رەسمي مالىمدەمە جاسايمىن»، - دەدى كونگرەس مۇشەسى CNN جۋرناليسىنە بەرگەن سۇحباتىندا.   

يراك سوعىسىنىڭ ارداگەرى گاببارد قازىرگى ۋاقىتتا پالاتا مۇشەلەرىنىڭ سىرتقى ىستەر كوميتەتىنىڭ مۇشەسى. ول ساموادا دۇنيەگە كەلگەن العاشقى امەريكالىق ءارى كونگرەستەگى يندۋيستىك سەنىمدەگى العاشقى ايەل.

«مۇنداي شەشىمگە كەلۋىمنىڭ سەبەبى كوپ. بۇگىندە امەريكا حالقىنىڭ باسىنا قارا بۇلت ۇيىرىلگەن، قيىندىقتان شىعا الماي وتىر. مۇنىڭ ءبارى مەنى دە الاڭداتادى. قيىندىقتاردىڭ شەشىلۋىنە كومەكتەسكىم كەلەدى، - دەدى ول سۇحبات بارىسىندا. بۇعان قوسا ەلدەگى دەنساۋلىق سالاسى، كليماتتىڭ وزگەرۋى جانە قىلمىستىق قۇقىق رەفورماسى ماسەلەلەرىن دە تىلگە تيەك ەتتى.

«الەمدى الاڭداتىپ وتىرعان ماڭىزدى ماسەلە بار، ول – سوعىس جانە بەيبىتشىلىك. وسى تاقىرىپتا ءسوز قوزعاپ، ماسەلەنى شەشۋ جولدارىن قاراستىراتىن كۇندى اسىعا كۇتىپ ءجۇرمىن»، - دەدى گاببارد.

2015 جىلى گاببارد دەموكراتيالىق پارتيا ۇلتتىق كوميتەتىنىڭ ۆيسە-توراعا لاۋازىمى قىزمەتىن اتقارىپ جۇرگەندە  ول سول كەزدە باسشى بولعان دەببي ۆاسسەرمان-شۋلستى سىنعا الدى. سەبەبى شۋلس 2016 جىلى پرەزيدەنتتىككە ۇمىتكەرلەر ءۇشىن پىكىرتالاستىڭ نەبارى التى كەزەڭىن عانا وتكىزدى. كەيىن گاببارد ۆيسە-توراعا قىزمەتىنەن كەتىپ، سەناتور بەرني ساندەرستىڭ باستى جاقتاۋشىسى بولدى، ونىڭ كەز كەلگەن ەكونوميكالىق باعدارلاماسىن قولداپ ءجۇردى.

كونگرەستە گاببارد شەت مەملەكەتتەردىڭ ساياساتىنا ارالاسۋعا قارسى شىقتى. ءبىراق ونىڭ 2017 جىلى سيريالىق ديكتاتور باشار اسادپەن كەزدەسۋى حالىقتىڭ سىنىنان ۇشىرادى.

«العاشىندا باشار اسادپەن كەزدەسۋدى جوسپارلاماعان ەدىم. الايدا مۇمكىندىكتى قولدان جىبەرمەۋ كەرەك بولدى. ونىڭ ۇستىنە ماڭىزدى بولارىن ءبىلدىم. ءبىزدى سيريا حالقىنىڭ جاعدايى شىن مانىسىندە الاڭداتادى ەمەس پە، ولاي بولسا، قاجەت اداممەن كەزدەسۋ – ءبىزدىڭ مىندەتىمىز. ەڭ بولماعاندا، تاتۋلىق ءۇشىن وسىلاي كۇرەسەيىك»، - دەگەن ەدى گاببارل 2017 جىلعى سۇحباتىنىڭ بىرىندە.

گاببارد پرەزيدەنت دونالد ترامپپەن كۇرەسۋگە بىرنەشە دەموكرات دايىندادى.

جاڭا جىل قارساڭىندا شتات سەناتورى ماسساچۋسەتس ەليزابەت ۋوررەن 2020 جىلى وتەتىن پرەزيدەنت سايلاۋىنا قاتىسۋ ءۇشىن كوميتەت قۇراتىنى جايلى حابارلادى. سونىمەن قاتار، بۇرىنعى تۇرعىن ءۇي قۇرىلىسى جانە قالانى دامىتۋ ءمينيسترى دجۋليان كاسترو دا كوميتەت قۇرىپ، جاقىن ارادا جوسپارىمەن تانىستىراتىنىن ءمالىم ەتتى.

بۇدان بولەك شتاتتىڭ بىرنەشە سەناتورى الداعى ۋاقىتتا كوميتەت قۇرىپ، جوسپارلارىمەن بولىسەتىن بولادى.