استانا اكىمدىگىنىڭ شەنەۋنىكتەرى قىزمەتتىك كولىكتەن باس تارتىپ، تاكسي قىزمەتىن پايدالانا باستادى. ولاردىڭ تاكسيمەن ءجۇرۋى ءۇشىن بيۋدجەتتەن 380 ملن تەڭگە ءبولىندى دەپ حابارلايدى Qamshy.kz اقپارات اگەنتتىگى استانا تەلەارناسىنىڭ دەرەگىن نەگىزگە الىپ.
العاشىندا كوپشىلىك شەندىلەردىڭ تاكسيمەن جۇرەتىنىنە كۇمانمەن قاراعان بولاتىن. الايدا شەندىلەر 4 اي تاكسيمەن ءجۇرىپ، 39 ملن تەڭگە ۇنەمدەپتى.
"قالا اكىمى، ونىڭ ورىنباسارلارى مەن اۋدان اكىمدەرىنە بەلگىلى ءبىر تاكسي جۇرگىزۋشىلەر قىزمەت كورسەتەتىن بولادى. ال قالعان اكىمدىك قىزمەتكەرلەرى قاراپايىم ادامدار سەكىلدى الدىن الا تاپسىرىس بەرەتىن بولادى"، - دەيدى استانا قالاسى جۇرگىزۋشىلەرى اسسوسياسياسىنىڭ اتقارۋشى ديرەكتورى ساكەن حانكوجين.
اكىمدىك شەنەۋنىكتەردىڭ قىزمەتتىك كولىكتەردى پايدالانۋىنا بۇرىن 500 ملن تەڭگەدەن استام قاراجات جۇمساعان. اكىمدىك وسىلاي بيۋدجەت قارجىسىن ۇنەمدەمەك.
پىكىر قالدىرۋ