الەمدىك ساراپشىلار ءالى دە رەسەي مەن ۋكراينا اراسىنداعى قارىم-قاتىناستىڭ جاقسارۋىنان ۇمىتتەنەدى. ءبىراق وعان نەگىز بار ما؟ كەيبىر ساراپشىلار ۇستىمىزدەگى جىلدىڭ 31 ناۋرىزىندا ۋكراينادا وتەتىن پرەزيدەنتتىك سايلاۋعا ۇلكەن ءۇمىت ارتىپ وتىرعانىن دا جاسىرمايدى. مۇمكىن، سودان كەيىن جاعداي جاقساراتىن بولار. دەسەك تە...

ەكىنشى ءبىر ساياساتتانۋشىلار ەكى ەل اراسىندا تاياۋ ۋاقىتتا سوعىس بولۋى مۇمكىن دەگەن بولجام اقيقاتقا ساي كەلمەيدى دەگەن پىكىردە. ۋكراينا سىرتقى بارلاۋ قىزمەتىنىڭ بۇرىنعى باسشىسى، گەنەرال-لەيتەنانت ۆاسيليي بوگدان –«پرەزيدەنتتىك سايلاۋعا دەيىن ەكى ەل اراسىندا سوعىس بولمايدى. بۇل ناقتى نارسە» دەگەندى ايتتى. اسكەري گەنەرالدىڭ پىكىرىنە قاراعاندا، «ءقازىر رەسمي ماسكەۋ كييەۆتەگى ساياسي رەجيمنىڭ اۋىسۋىن كۇتىپ وتىرعان» سەكىلدى. «ءبىراق قانداي جاعدايعا قاراماستان، كەڭ اۋقىمدى سوعىس باستالادى» دەۋ اقيقاتقا ساي كەلمەيدى. ەگەر رەسەي اسكەرلەرى ۋكراينا شەكاراسىنا باسا-كوكتەپ كىرگەن جاعدايدا عانا سوعىس باستالدى». بۇل سىرتقى بارلاۋ قىزمەتىندە ىستەگەن بۇرىنعى باسشىنىڭ ءسوزى. دەگەنمەن دە، گەنەرال-لەيتەنانت ۆاسيليي بوگداننىڭ ايتۋىنشا، قازىرگى ۋاقىتتا ۋكراينا قارۋلى كۇشتەرىنىڭ باس شتابى دونباسس اۋماعىن ۋكرايناعا قايتارۋعا قاتىستى كەڭ كولەمدەگى وپەراسيانى جۇزەگە اسىرۋعا ۇلكەن جوبا دايىنداپ جاتىر.