بۇل تۋرالى «نۇر وتان» پارتياسى ءتوراعاسىنىڭ ءبىرىنشى ورىنباسارى استاناداعى «GreenTAL» الەۋمەتتىك شەبەرحاناسىنىڭ جۇمىسىمەن تانىسۋ بارىسىندا ايتتى.

شەبەرحاناعا ارنايى كەلگەن ماۋلەن اشىمبايەۆ الەۋمەتتىك باستامالاردى دامىتۋ مەملەكەت باسشىسىنىڭ تاپسىرماسى ەكەنىن ايتتى.

– ەلباسى قازاقستان حالقىنا ارناعان جولداۋىندامۇمكىندىگى شەكتەۋلى جاندارعا جۇيەلى قولداۋ كورسەتۋ جانەولار ءۇشىن كەدەرگىسىز ورتا قالىپتاستىرۋ تۋرالى الدىمىزعاناقتى مىندەتتەر قويدى. سوعان بايلانىستى پارتيامىزبەلسەندى ارەكەت ەتىپ، ناقتى جۇمىستاردى قولعا الدى، – دەگەن ول «كەدەرگىسىز كەلەشەك» پارتيالىق جوباسى اياسىندا «نۇر وتان» تاراپىنان اتقارىلىپ جاتقان جۇمىستارعا نازار اۋداردى.

قازىرگى تاڭدا مۇمكىندىگى شەكتەۋلى جانداردى جۇمىسپەنقامتۋ قوعامىمىزداعى ەڭ وزەكتى ماسەلەلەردىڭ ءبىرى ەكەنى ءسوزسىز. سول سەبەپتى، ەلىمىزدىڭ باس پارتياسى وسى ماسەلەنى ءتيىمدى شەشۋدىڭ وزىق ۇلگىلەرىن قاراستىرىپ، ۇتىمدى جولدارىن قولعا الماق.

– ارينە، مۇمكىندىگى شەكتەۋلى ازاماتتار مەملەكەتتەن ءتيىستى جاردەماقى الادى. دەگەنمەن، ولاردىڭ اراسىندا جۇمىسقا قابىلەتتى جانە ەڭبەككە ارالاسقىسى كەلەتىندەرى بارەكەنىن ەسكەرۋىمىز كەرەك. سوندىقتان ولاردىڭ قوسىمشا تابىس تاۋىپ، ءومىر ءسۇرۋ ساپاسىن ارتتىرۋىنا لايىقتى جاعداي جاسالۋى ءتيىس. وسى ماسەلەنى وڭتايلى شەشۋ ءۇشىن الەۋمەتتىك كاسىپكەرلىكتىڭ بەرەرى مول دەپ ەسەپتەيمىن، – دەدى ماۋلەن اشىمبايەۆ.

وسىعان وراي «نۇر وتان» «GreenTAL» كومپانياسىنىڭ تاجىريبەءسىنءىڭ قازاقستاننىڭ وزگە وڭىرلەرىندە دە ىسكە اسىرىلۋىنا ىقپال ەتۋدى كوزدەپ وتىر. اتالعان الەۋمەتتىك شەبەرحانا وسىدان ءتورت جىل بۇرىن كاسىپكەر ەمين اسكەروۆتىڭ باستاماسىمەن اشىلعان. وندا مۇمكىندىگى شەكتەۋلى جانداردى وقىتىپ، جۇمىسقا ورنالاستىرۋعا قاجەتتى جاعداي جاسالعان. شەبەرحانا پسيحيكالىق دەنساۋلىقتىڭ مەديسينالىق ورتالىعى جانىنداعى پسيحوالەۋمەتتىك وڭالتۋ ورتالىعىندا ورنالاسقاندىقتان، مۇنداعى قىزمەتكەرلەردىڭ باسىم بولىگى سوزىلمالى مەنتالدى اۋىتقۋشىلىققا شالدىققان جاندار.

بۇگىندە شەبەرحانادا تەمىر، اعاش، دانەكەرلەۋ، تىگىن جانە بەزەندىرۋ سەحتارى، كوركەمونەر ستۋدياسى، سونداي-اق، تيپوگرافيا جۇمىس ىستەيدى. سونداي-اق تاياۋدا مۇندا داياشى، بارمەن جانە اس ءۇي قىزمەتكەرلەرىن دايارلايتىن ترەننيگ-كافەدە ءوز جۇمىسىن باستادى.