نۇرلان ساۋرانبايەۆ پرەزيدەنت اكىمشىلىگى مەملەكەتتىك باقىلاۋ جانە اۋماقتىق-ۇيىمداستىرۋ جۇمىسى ءبولىمىنىڭ مەڭگەرۋشىسى بولىپ تاعايىندالدى، – دەپ حابارلادى Qamshy.kz اقپارات اگەنتتىگى اقوردانىڭ باسپا ءسوز قىزمەتىنىڭ دەرەگىنە سۇيەنىپ.  

"مەملەكەت باسشىسىنىڭ وكىمىمەن نۇرلان ەرمەك ۇلى ساۋرانبايەۆ قازاقستان رەسپۋبليكاسى پرەزيدەنتىنىڭ اكىمشىلىگى مەملەكەتتىك باقىلاۋ جانە اۋماقتىق-ۇيىمداستىرۋ جۇمىسى ءبولىمىنىڭ مەڭگەرۋشىسى بولىپ تاعايىندالدى"، — دەپ جازىلعان حابارلامادا.

ول 2017 جىلدىڭ قاراشاسىنان 2018 جىلدىڭ ماۋسىمىنا دەيىن شىمكەنت قالاسىنىڭ اكىمى بولدى. 

ساۋرانبايەۆ 1967 جىلى 20 مامىردا تۋعان، ءبىلىمى جوعارى، ماماندىعى – ەكونوميست.

1990 جىلدارى "ەڭبەك" كومپانياسىن باسقاردى، قازاقستاننىڭ كاسىپكەرلەر كونگرەسىنىڭ اتقارۋشى ديرەكتورى بولعان. 

2011 جىلدان 2014 جىلعا دەيىن يندۋستريا جانە جاڭا تەحنولوگيالار ۆيسە-مينيسترى قىزمەتىن اتقاردى. كەيىنىرەك   قورعانىس ءمينيسترىنىڭ ورىنباسارى بولىپ تاعايىندالدى.

2017 جىلدىڭ اقپان ايىنان باستاپ ەكسپو-2017 حالىقارالىق مامانداندىرىلعان كورمەسىن ازىرلەۋ جانە وتكىزۋ ماسەلەلەرى جونىندەگى شتابتىڭ ۇيىمداستىرۋ كوميتەتىنىڭ باسشىسى لاۋازىمىن يەلەندى.