امەريكالىق Netflix سەرۆيسى جازۋشى گابريەل گارسيا ماركەستىڭ «ءجۇز جىلعى جالعىزدىق» رومانى جەلىسىمەن سەريال تۇسىرەدى. بۇل تۋرالى Netflixء-تىڭ Twitter-دەگى پاراقشاسىندا حابارلاندى.1967 جىلى جازىلعان رومان العاش رەت ەكرانعا شىقپاقشى. 2014 جىلى قايتىس بولعان ماركەستىڭ وتباسى بۇعان دەيىن «ءجۇز جىلدىق جالعىزدىق» شىعارماسى بويىنشا كينو ءتۇسىرۋ قۇقىعىن ساتۋدان باس تارتىپ كەلگەن دەپ جازادى Qamshy.kz اقپارات اگەنتتىگى ازاتتىقتىڭ دەرەگىنە سۇيەنە وتىرىپ.
كولۋمبيادا يسپان تىلىندە تۇسىرىلەتىن سەريالدىڭ پروديۋسەرلەرى - ماركەستىڭ رودريگو جانە گونسالو ەسىمدى ۇلدارى.
«اكەمىز فيلم جانرى شىعارمانى بايانداۋعا تىم قىسقا بولادى دەپ، «ءجۇز جىلدىق جالعىزدىقتى» ەكرانعا شىعارۋعا كەلىسپەدى. ول ءفيلمدى تەك يسپان تىلىندە تۇسىرگەن ءجون دەپ سانادى»، - دەيدى جازۋشىنىڭ ۇلى رودريگو Variety سايتىنا بەرگەن سۇحباتىندا.
«ءقازىر سەريالداردىڭ «التىن ءداۋىرى» تۋدى. سوندىقتان، روماندى تۇسىرۋگە بۇدان قولايلى ۋاقىت بولمايدى»، - دەيدى پروديۋسەر.
1967 جىلى شىققان «ءجۇز جىلدىق جالعىزدىق» رومانى ءۇشىن گابريەل گارسيا ماركەس نوبەل سىيلىعىن يەلەنگەن. الەمدىك ەڭ تانىمال ادەبي شىعارمالاردىڭ بىرىنە اينالعان رومان قازىرگە دەيىن 50 ميلليوننان ارتىق تيراجبەن تاراپ، 46 تىلگە اۋدارىلعان دەپ جازادى New York Times باسىلىمى.
ۇسىنعان: اسەل بولات قىزى
