اقش-تىڭ لاس-ۆەگاس قالاسىندا ءوتىپ جاتقان اۋىر اتلەتيكادان جاسوسپىرىمدەر اراسىنداعى الەم چەمپيوناتىندا 67 كەلىگە دەيىنگى سالماقتا سىنعا تۇسكەن قازاقستاندىق زىلتەمىرشى سايحان تايسۋيەۆ چەمپيون اتانىپ قانا قويماي، الەم رەكوردىن جاڭارتتى، - دەپ حابارلايدى Qamshy.kz اقپارات اگەنتتىگى Olympic.kz سايتىنا سىلتەمە جاساپ.
جۇلقا كوتەرۋدە 127 كەلىنى، سەرپە كوتەرۋدە 161 كەلىنى ەڭسەرگەن تايسۋيەۆ قوسسايىس قورىتىندىسى بويىنشا 288 كەلىنى باعىندىردى. بۇل ءوز قاتارلاستارى اراسىندا الەم چەمپيونى اتانۋ ءۇشىن جەتكىلىكتى كورسەتكىش ەدى.
ودان بولەك، سايحان تايسۋيەۆ سەرپە جانە جۇلقا كوتەرۋدەن كىشى التىن جۇلدەنى دە ءوز ەنشىسىندە قالدىردى. قازاقستاندىق زىلتەمىرشى سەرپە كوتەرۋدەن جاسوسپىرىمدەر اراسىنداعى الەم رەكوردىنا دا تۇزەتۋ ەنگىزدى. بۇل قازاقستان سپورتشىلارىنىڭ الەمدىك سىنداعى ەكىنشى التىن مەدالى. كەشە اقمولدا سايرامكەز 61 كەلىگە دەيىنگى سالماقتا توپ جارعان. قازاقستان جاسوسپىرىمدەر قۇراماسىن بەلگىلى اۋىر اتلەت باقىت احمەتوۆ جاتتىقتىرادى.
