وتاندىق كاسىپكەرلەرگە جۇڭگو نارىعىنا شىعۋعا بولاتىن بىرەگەي مۇمكىندىك بەرىلەدى. جالپى اۋدانى 6500 شارشى مەتردى قۇرايتىن Qaz Luimiere جاڭا ساۋدا ورتالىعى «قورعاس» شەكارا ماڭى ىنتىماقتاستىعى حالىقارالىق ورتالىعىنىڭ قازاقستاندىق بولىگىندە ورنالاسقان. گيپەرماركەتتىڭ رەسمي اشىلۋى 2019 جىل 1 مامىرعا جوسپارلانىپ وتىر.  ورتالىقتىڭ ءبىرىنشى جالعا الۋشىلارى قاتارىندا گرۋزيا (اراق-شاراپ ءونىمى)، ۋكراينا (بىلعارى ونىمدەرى)، قحر (كوسمەتيكا) كاسىپكەرلەرى بولدى. جالعا الۋدىڭ ايىرىقشا شارتتارى 1-15 مامىر ارىلىعىندا قازاقستان-قىتاي جارمەڭكەسى كۇندەرى جۇزەگە اسادى. وسى كەزەڭدە كاسىپكەرلەر كورمە ستەندىن (150 000 تەڭگە) الۋ ءۇشىن عانا شىعىندالاتىن بولادى.

«بۇل كورمە كاسىپكەر «قورعاس» شەكارا ماڭى ىنتىماقتاستىعى حالىقارالىق ورتالىعىنىڭ مۇمكىندىكتەرىن كورۋى ءۇشىن وتكىزىلىپ جاتىر. كاسىپكەرگە نارىقتى تالداۋعا: قاي جەردە باعدارلانۋ كەرەك، جەكە تاۋارعا سۇرانىستى باعالاۋ جۇرگىزۋگە مۇمكىندىك بەرىپ وتىرمىز. ارى قاراي ءبىز كورمەنى جارنامالاۋ ماقساتىندا جۇڭگو تاراپىنان جارناما اگەنتتىگىن جۇمىلدىرامىز. كورمەنىڭ وزىندە ءبىرقاتار ءىس-شارالار جوسپارلانعان. بۇل جۇڭگو نارىعىنا شىعۋدىڭ بىرىگەي مۇمكىندىگى. وندىرۋشىلەر «قورعاس» شەكارا ماڭى ىنتىماقتاستىعى حالىقارالىق ورتالىعىنا تاۋارلارىن جەتكىزىپ، كورمە ستەندىن ساتىپ الۋدان باسقا شىعىندالمايدى. جالعا الۋشىلارعا كەلەتىن بولساق، ءارقايسىسىن جەكە قاراۋدامىز، جالعا الىنىپ جاتقان ورىنجايدىڭ كولەمىنە قاراي جەڭىلدىكتەر، جەڭىلدىك كەزەڭدەرى قاراستىرىلعان. بارلىق وندىرۋشىلەرمەن، ۇيىمدارمەن ىسكەرلىك قارىم-قاتىناسقا دايىنبىز»، – دەدى «Qaz Lumiere» ساۋدا ورتالىعىنىڭ اتقارۋشى ديرەكتورى ناريمان زاكيريانوۆ.

كورمەگە قازاقستان، تمد ەلدەرى جانە جاقىن شەت ەل تاۋار وندىرۋشىلەرى قاتىسۋعا شاقىرىلادى. Qaz Luimiere ارنايى ەكونوميكالىق ايماقتا ورنالاسۋى قازاقستاندىق بيزنەسكە – ارنايى سالىقتىق رەجيمگە سايكەس سالىق تولەمدەرىن جاساماي كاسىپكەرلىك قىزمەتتى جۇرگىزۋگە مۇمكىندىك بەرەدى.

ۇيىمداستىرۋشىلاردىڭ ايتۋىنشا، ساۋدا ورتالىعى ىسكەرلىك كەزدەسۋلەرگە، قازاقستان مەن تمد ەلدەرىنە شىعارىلاتىن ونىمدەرمەن تانىستىرۋ، ساۋدا-ساتتىق جانە بوس ۋاقىتتى وتكىزۋگە ارنالعان  ءتيىمدى ءىس-شارالاردىڭ الاڭىنا اينالادى. بۇل ءىس-شارا جاقىن جانە الىس شەت ەلدەردىڭ ىسكەر توپتارى مەن تۋريستەرىنىڭ قىزىعۋشىلىعىن تۋدىراتىنى ءسوزسىز. قازاقستاندىق كاسىپكەرلەر ءۇشىن، ءبىرىنشى كەزەكتە قىتايدىن كوپميلليوندى نارىعىنا شىعۋ، حالىقارالىق ساۋدانى دامىتۋدىڭ مۇمكىندىگى.

كەلەسى تاۋارلار كورمە ەكسپوناتى بولا الادى:

الكوگول ونىمدەرى؛

سيگارەتتەر، سيگارالار، تەمەكى؛

كيىم-كەشەك، اياق كيىم؛

شوكولاد، كامپيتتەر؛

قۇرعاق ءسۇت؛

ۇن ونىمدەرى (ۇن، ماكارون ونىمدەرى جانە ت.ب.)؛

جيھاز؛

ىدىس اياق؛

داستارحان، پەردەلەر جانە ت.ب.؛

جارىق قۇرىلعىلار؛

شاعىن-بۇرقاقتار؛

فيتوديزاين؛

ەكوديزاين.

مىنا تاۋارلارعا تىيىم سالىنعان:

جاڭا اۋلانعان بالىق؛

جۇمىرتقا؛

شۇجىق ونىمدەرى؛

ۋىلدىرىق؛

جەمىس-جيدەك؛

ءسۇت ونىمدەرى؛

وسىمدىك تۇقىمدارى (كوكونىس، گۇلدەردىڭ تۇقىمى جانە ت.ب.)؛

التىن.

 ۇيىمداستىرۋشىلار ەكسپوناتتاردى ىرىكتەۋ قۇقىعىنا يە. كورمە قاتىسۋشىلارعا سايكەس سىياپات كورسەتىلەدى. جەڭىمپازدار لاۋرەات ديپلومدارىمەن ماراپاتتالادى. كورمەگە قاتىسۋ وتىنىمدەرى 1 ناۋرىز 10 ءساۋىر ارالىعىندا مىنا ەلەكتروندى پوشتا ارقىلى قابىلدانادى: a.tastanbekova@atameken.kz.