الماتى وبلىسىندا كاسىپكەرلىك نەگىزدەرىنە ۇيرەتۋگە باعىتتالعان «باستاۋ» جوباسى بويىنشا وقىتۋ باستالدى. جوبا 2017-2021 جىلدارعا ارنالعان «ەڭبەك» ناتيجەلى جۇمىسپەن قامتۋ جانە جاپپاي كاسىپكەرلىكتى دامىتۋ باعدارلاماسى اياسىندا جۇزەگە اسىرىلادى جانە جۇمىسسىز، ءوزىن-وزى قامتىعان ازاماتتار مەن جاڭادان باستاعان كاسىپكەرلەرگە ارنالعان.

وڭىرلىك كاسىپكەرلەر پالاتاسى قارجىلاي ەمەس قولداۋ ءبولىمىنىڭ باسشىسى ەرلان داتقايەۆتىڭ ايتۋىنشا، بيىل وقىتۋ بارلىق اۋدان ورتالىقتارىندا وتەدى.

«كاسىپكەرلەر پالاتاسى 2019 جىلى 1500 ادامدى بيزنەسكە وقىتىپ، سولاردىڭ ىشىنەن 300-گە تارتا جوبانى قارجىلاندىرۋدى جوسپارلاپ وتىر. جالپى بيىل الماتى وبلىسىندا شاعىن نەسيەلەندىرۋگە 4،7 ملرد تەڭگە بولىنگەن»، - دەدى ەرلان داتقايەۆ.

وتكەن جىلى دا وقىتۋ وبلىستىڭ بارلىق اۋدانىندا وتكىزىلدى. كۋرسقا 3361 ادام قاتىسىپ، ونىڭ 916 قاتىسۋشىسى ءوز ءىسىن اشىپ، جوبالارى جالپى سوماسى 2،5 ملرد تەڭگەدەن استام قارجىعا قارجىلاندىرىلدى.

«باستاۋ» جوباسى بويىنشا ءبىر ايلىق كۋرستا ساباقتى وتاندىق بيزنەس-ترەنەرلەر  بەرەتىن بولادى.

«وقىتۋ باعدارلاماسى اياسىندا قاتىسۋشىلارعا سالىق رەجيمدەرى، زاڭناماداعى وزگەرىستەر تۇسىندىرىلەدى، ماركەتينگ نەگىزدەرى، بيزنەس سالاسىنداعى سۇرانىستاعى باعىتتار جونىندە ءبىلىم بەرىلەدى. تەوريالىق ساباقتارمەن بىرگە تاجىريبەلىك دارىستەر، كاسىپكەرلىك وبەكتىلەرىن ارالاۋ، تابىستى بيزنەس وكىلدەرىمەن كەزدەسۋ ۇيىمداستىرىلادى»، - دەيدى بيزنەس-ترەنەر ارنۇر توقان ۇلى.

ايتا كەتەيىك، قاتىسۋعا ءوتىنىم كاسىپكەرلەر پالاتاسىنىڭ فيليالدارى نەمەسە جۇمىسپەن قامتۋ ورتالىعى، جەرگىلىكتى اكىمدىك ارقىلى قابىلدانادى جانە ۇمىتكەرلەر ونلاين تەستىلەۋدەن وتەدى. ونىڭ ناتيجەسى بويىنشا وقۋعا قابىلدانادى.