الماتى وبلىسىنىڭ كەگەن اۋدانىندا ورنالاسقان شارىن شاتقالىندا بۇرىن سوڭدى بولماعان، الەمدىك ستاندارقا ساي  «Park Canyon» ويىن ساۋىق پاركىنىڭ قۇرىلىسى وسى جىلى باستالىپ 2020 جىلعا دەيىن جالعاسپاق.

كەگەن اۋدانىنىڭ اكىمى تالعات بايەديلوۆتىڭ ايتۋىنشا، بۇل جوبا تاۋلى ايماقتىڭ تۋريستىك الەۋەتىن ايتارلىقتاي كوتەرىلمەك.

«قۇرىلىس جۇمىستارىن جۇرگىزۋگە 24 گا جەر تەلىمى ءبولىنىپ وتىر.  جەر كەپكەنەن كەيىن ءبىرىنشى كەزەكتە 700 ملن. تەڭگەگە قۇرىلىس جۇمىستارى باستايدى. جوبا ىسكە قوسىلعان جاعدايدا جىلىنا ورتا ەسەپپەن 375 ملن. تەڭگەگە اقىلى تۋريستىك قىزمەت كورسەتەتىن بولادى. 35 ادام تۇراقتى جۇمىسپەن قامتىلىپ، بيۋدجەتكە جىلىنا 47 ملن.تەڭگە قاراجات تۇسىرەدى دەپ جوسپارلاپ وتىرمىز»، - دەيدى اۋدان باسشىسى.

سونىمەن قاتار، بۇل نىسان جانىنان ءۇش بىردەي اسپالى كوپىر سالىنادى. شاتقالداعى بۇل وتكەلدىڭ ۇزىندىعى 200 مەتر بولسا بيىكتىگى 80 مەترگە جەتەدى. مۇندا، 40 ادامعا ارنالعان قوناق ءۇي تۇرعىزۋ جوسپاردا تاعى بار.