ايماق باسشىسى نۇرلان نوعايەۆتىڭ تاپسىرماسىنا سايكەس تۇرعىندارمەن كەزدەسۋ 26 ءساۋىر كۇنى 17:00-دە ءوڭىردىڭ بارلىق الەۋمەتتىك مەكەمەلەرىندە ۇيىمداستىرىلادى، دەپ حابارلايدى اتىراۋ وبلىسىنىڭ وڭىرلىك كوممۋنيكاسيالار قىزمەتى.

وبلىس باسشىسىنىڭ باستاماسىمەن وتەتىن ناۋقانعا بيۋدجەت قارجىسىنان قارجىلاندىرىلاتىن وبلىس ورتالىعىنداعى بارلىق الەۋمەتتىك مەكەمەلەر، اۋىلدىق، اۋداندىق جانە قالالىق اكىمدىكتەر قاتىسادى.

- تۇرعىندارمەن كەزدەسۋدى بالاباقشالار، مەكتەپتەر، بجسم، مۋزىكالىق مەكتەپتەر مەن ونەر مەكتەپتەرى، جۇمىسپەن قامتۋ ورتالىقتارى، اۋرۋحانالار جانە باسقا دا دەنساۋلىق ساقتاۋ نىساندارى وتكىزەدى. قالالىق، اۋداندىق جانە اۋىلدىق اكىمدىكتەر، سونداي-اق، جاستار رەسۋرستىق ورتالىقتارى مەملەكەتتىك قىزمەت جارمەڭكەسىن وتكىزەدى. «اشىق ەسىك كۇنىنىڭ» نەگىزگى ماقساتى - مەملەكەتتىك ورگانداردىڭ جانە الەۋمەتتىك مەكەمەلەردىڭ تۇرعىندارمەن بارىنشا ءوزارا بايلانىسۋى، - دەپ حابارلادى اتىراۋ وبلىسى اكىمىنىڭ باسپا ءسوز قىزمەتى.

ايتا كەتەيىك، «اشىق ەسىك كۇنى» ءار ايدىڭ سوڭعى جۇماسىندا 17:00-دە الەۋمەتتىك مەكەمەلەردىڭ اكت جانە كونفەرەنسيا زالىندا وتكىزىلەدى. اۋىلدىق اكىمدىكتەر اشىق ەسىك كۇنىن ءوز مەكەمەلەرىندە ۇيىمداستىرادى، اۋداندىق جانە قالالىق اكىمدىكتەر – اۋدان ورتالىعىنداعى مادەنيەت ۇيلەرىندە وتكىزەدى. اتىراۋ قالاسى اكىمدىگى اشىق ەسىك كۇنىن مەملەكەتتىك قىزمەت جارمەڭكەسى فورماتىندى ورتالىق دەنە شىنىقتىرۋ-ساۋىقتىرۋ ورتالىعىندا ۇيىمداستىرادى.

ەسكە سالايىق، جۇرتشىلىق پەن مەملەكەتتىك ورگاندار اراسىنداعى قارىم-قاتىناستاردى جاقسارتۋ ءۇشىن قالا مەن اۋدان اكىمدەرىنە، جاۋاپتى ورگان وكىلدەرىنە اي سايىن اكىمدىكتەر مەن الەۋمەتتىك مەكەمەلەردىڭ «اشىق ەسىك كۇندەرىن» وتكىزۋ تاپسىرىلعان بولاتىن.

بۇل باستامانى 2017 جىلدىڭ قاڭتارىندا اتىراۋ وبلىسىنىڭ اكىمى جىلىوي اۋدانىندا وتكەن كوشپەلى جيىندا ايتتى. سونىمەن قاتار، قازاقستان پرەزيدەنتى قاسىم-جومارت توقايەۆ وبلىس اكىمدەرىمەن كەزدەسۋ بارىسىندا ءوڭىر باسشىلارىنا حالىقپەن بارىنشا ءجيى كەزدەسۋلەر وتكىزۋدى تاپسىرعان بولاتىن.